SAM 21 - Bawm Common Language Bible Version

Nehnak Ruangah Chawnglawmhnak

¹ LALPA, lal chu chaknâk na pêk ruangah â lâwm, nehtu ah na siam ruangah â lâwm.

² A thinlung duh mi chu na pêk le, a nan deih mi chu na sâng piak.

³ Malsâwmnâk rokual tak hen a sinah na hawng le, a lû ah ngûn lallukhuh na khuh.

⁴ Nungnâk a nan deih le, dam sâwtnâk leh sansâunâk na pêk.

⁵ Na ṭangpi ruangah thungâi a rokualnâk a fâk, lalnâk leh minthangnâk na pêk.

⁶ Na malsâwmnâk chu a lakah a um kumza le, na umpinâk nih lâwm hen a khattir.

⁷ Lal nih LALPA zeizawng tikho chu a zumh le; LALPA dâwtnâk dawnglo ruangah a thaw a suak kumza lai.

⁸ Lal nih a mêlma tla chu a tleih na lai le, Amah huatu tla chu a tleih hep lai.

⁹ A hawng lang tikah meialh fâk tak hâwi hen a veih na lai, LALPA nih a thinthawknâk hen a râwk na lai le, mei hen a veih na lai.

¹⁰ An thlâk tla pakhat khawm rian an ṭuan lai lo, Lal nih a thah hep na lai.

¹¹ A lakah tumnâk diklo leh phiarnâk an siam le, khawmsele an ti kho lo.

¹² A thal zum hen a kah na lai le, a khirh hen a tektir na lai.

¹³ LALPA, na chaknâk rokual ruangah kan nan sawr.