SAM 142 - Bawm Common Language Bible Version

Ṭangpi Ding Hen Ngiarnâk

¹ Ṭangpi ding hen LALPA chu ka auh le; amah lakah ka ngauh.

² Amah chu ngiar ka duh mi zawng a sinah ka tlunh le; ka lawksawngnâk zawzawng a sinah ka sim.

³ Ka lungdawng liauah ka ti ding mi chu amah nih a theih, ka kalnâk lampi ah ka mêlma tla nih ka rangah thang an tunh.

⁴ Ka kiangkam ka zauh le, hawng ka ṭangpitu ding leh hawng ka hum hen hawng ka kilkâwitu ding pakhat khawm an um lo.

⁵ LALPA, ṭangpi ngiar hen ka hawng âu; LALPA, nang chu, hawng ka humtu, ka dam sungah ka herhnâk zawzawng chu na si.

⁶ Ṭangpi deih hen ka âu mi hi ngâi le, lung dawnghnâk ah ka pil rawh ruangah. Ka mêlma lakah mi hawng ka hum rawh; kei rang chun an chak tuktarâi.

⁷ Ka hamhnâk ah mi hi hawng ka suah le; na mi tla pumhnâk ah ka nan sawr lai; keimah lakah na ṭhat ruangah chun.