SAM 132 - Bawm Common Language Bible Version

Pathian Biakin Chawnglawmhnâk

¹ LALPA, David chu a hamhnâk zawzawng lakah a dawnh zia chu theih vima rawh.

² Jakob Pathian Chak, nangmah sinah thu a tiam mi leh LALPA sinah siat a sirh mi chu theihkumza rawh:

³ “In leiah khawm ka lâwi awtlo, ihkhun lei khawm ka fûk awtlo.

⁴ Ka dîn awtlo, ka it awt ber lo,

⁵ Jakob Pathian Chak rangah in mun ka timhtuah lânlo chu.”

⁶ Bethlehem ah Thudântuk Bâwm umnâk thu kan theih le, chun, Jearim phâi ah kan tawng.

⁷ “LALPA in ah kan kal lai le; a laltophah mâika ah kan va sawnh lai,” kan ti.

⁸ LALPA, na Thudântuk Bâwm leh na thiltikho zia zauhtirnâk hen Biakin leiah hawng le, hinah hin zungzâl hen um rawh.

⁹ Na bâwlpu tla nih thildik ti kumza na sele! na mi tla chu lâwm hen âu kumza na seh!

¹⁰ LALPA, David na to-aw sinah thu na tiamh le, na lal thîm chu nawng lah.

¹¹ David sinah thu tak lêt lo ding mi thutak na tiamh: “Na fapa tla lakah pakhat lal ah ka toh lai le, anih nih chun na nehnûnah lâi a rêl lai.

¹² Na fa le tla ka thudîntuk leh ka thupêk lakah dik tak hen an um chun, an fa tla khawm nangmah hâwi hen lal an si vima lai.”

¹³ LALPA nih Zion chu a thîm le; a in rangah a duh:

¹⁴ “Hi mun hi ka um kumzanâk ding chu asi; hi mun hi lâirêl ka duhnâk chu asi.

¹⁵ Zion chu a thilherh zawzawng lakah neih leh siah nâk ka pêk lai; buh hen a pâmnâk chu ka khimtir lai.

¹⁶ A bâwlpu tla chu an thilti zawzawngah mal ka sâwm na lai le, a mi tla chu lâwm hen la sak hen an âu lai.

¹⁷ Hinah hin David thlâk tla lakah pakhat chu lal rokual takah ka siam lai le, ka lal thîm lâirêlnâk chu ka umtir lai.

¹⁸ A mêlma tla chu ningzak tak hen ka siam na lai le, sikhawmsele a lalram chu tluang tak hen ka châwm lai.