SAM 13 - Bawm Common Language Bible Version

Ṭangpi Ding Hen Thlachamnâk

¹ LALPA, zei chan riamruam me na ka philh awt? Zungzâl hen ma? Zeitiang riamruam me ka lakah mi na thup awt?

² Zeitiang riamruam me lawksawng hen ka um awt? Zeitiang riamruam me a sûn a zân hen ka lawksawng awt? Zeitiang riamruam me ka mêlma tla neh hen ka um awt?

³ LALPA ka Pathian, hawng ka zauh le, hawng ka sâng rawh. Hawng ka chaktir le, hawng ka thihtir lah.

⁴ “Ka mêlma tla nih kan neh thlo” an hawng ka ti ding siang lah. Ka tlû mi hi hawng ka diriamhtir na lah.

⁵ Na dâwtnâk dawnglo lakah ka ngauh; Ruang na ka suah ruangah ka lâwm lai.

⁶ LALPA, ka lakah na ṭha ruangah na sinah la ka sak lai.