SAM 129 - Bawm Common Language Bible Version

Israel Dotu Mêlma Tla Rangah Thlachamnâk

¹ Israel, ngâksiatê na si thawk hen na mêlma tla nih an nehsawh mi hawng ka simh.

² “Ka mêttê thawk hen, ka mêlma tla nih fâk tak hen an ka nehsawh le, sikhawmsele an hawng ka neh loh.

³ Ka kêng ah phâisen an nâwn mi hâwi hen an ka tuk hung.

⁴ Sikhawmsele, LALPA, mirep nih chun, sal ka tâng mi hawng ka suah rawh.”

⁵ Zion huatu zawzawng tla chu neh leh khirh hen um na seh.

⁶ In tlûnah bua a kho mi hâwi hen, a ṭhang lânah châr hep na seh.

⁷ Âukhawm nih khawmh na hen mawh têl hen put lah na seh.

⁸ Âukhawm a paltu tla nih “LALPA nih mal an sâwm seh,” ti lah na seh! “LALPA min hen mal ka nan sâwm,” khawm ti lah na seh.