SAM 127 - Bawm Common Language Bible Version

Pathian Ṭhat Zia Sawrnâk

¹ LALPA nih in a sak lo chun, a saktu tla rianṭuan chu a thawt asi. LALPA nih khuapi a vêng lo chun, vêngtu tla chu a thawt cho asi.

² Nungnâk ding hen hamh tak a rianṭuan, zîngte thawk leh tlâi tak hen it khawm zeikhawm asi lo. LALPA nih amah dâwttu tla an it liau khawm ah a âwva na ruangah.

³ Fa tla hi LALPA thawk hen thilpêk an si le; malsâwmnâk tatak an si.

⁴ Mi nih a ṭhat liauah fapa tla a nei mi chu, kawrsen tla kut ah thalzum hâwi an si.

⁵ Chu hâwi hen thalzum tam tak a nei mi chu a thaw a suak. Lâirêlnâk mun ah a mêlma tla hen anna tawng khawm ah neh hen a um dah lai lo.