SAM 124 - Bawm Common Language Bible Version

Pathian Chu A Mi Tla Vêngtu Asi

¹ Kanmah leiah LALPA a um lo chun zeitin asi awt? Israel tla, sâng u!

² “Kan mêlma nih hawng kan do liauah LALPA kan sinah a um lo chun,

³ kan lakah an thinthawknâk fâk tak hen a nung hen hawng kan dawlh lai.

⁴ Tîlian nih hawng kan fenh ving lai le, tî tla nih hawng kan vurh dep lai le,

⁵ tî lian lakah kan tlâ ving lai.”

⁶ Kan mêlma tla nih hawng kan râwktir lotu LALPA sinah lâwmthu kan sim lai.

⁷ Vâ râltu thang lakah vâ a suak hâwi hen thang chu a râwk le, kan suak rawh!

⁸ Hawng kan ṭangpinâk chu LALPA tual leh vân siamtu thawk hen a hawng.