SAM 123 - Bawm Common Language Bible Version

Khuaruatnâk Ding Hen Thlachamnâk

¹ LALPA, vân leikângah nangmah lâi na rêlnâk lei ka hawng zauh.

² LALPA, kan Pathian, to-aw nih a pu a ngauhsan hâwi hen leh to-awnu nih a pi a ngauhsan hâwi hen, kan lakah khua na ruat lânlo chu nangmah lei kan hawng hawi kumza lai.

³ LALPA, khuaruat rawh, kan lakah khuaruat rawh, zauhnawmh leh nehsawh hen kan um tuktarâi.

⁴ Minei tla nih hawng kan zauhnawmh mi leh mi zûm tla nih hawng kan siarlo mi hi a sâwt tuktarâi.