SAM 110 - Bawm Common Language Bible Version

LALPA Leh A Lal Thîm Chu

¹ LALPA nih chun lalchem ka lal sinah, “Na mêlma na kezahphah tangah ka siah lânlo chu ka vawrhlei ah hin to rawh.

² Zion thawk hen na lal thiltikhonâk chu a kauh lai, na mêlma tlûnah lâi rêl rawh,” a ti.

³ Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

⁴ LALPA nih thu bir a tiamh mi chu a lêt lai lo: “Melkizedek chi leh kuang si hen bâwlpu na si kumza lai.”

⁵ LALPA chu na kiangah a um lai le; a thinrun tikah lal tla chu a neh na lai.

⁶ Phun tla tlûnah lâi a rêl lai le, tuknâk mun chu ruak hen a khat lai. tual tlûnah lal zawzawng chu a neh na lai;

⁷ Lal nih chun lampi kiangah tiva ah mi tî a din lai le, a chaktir lai le, nehtu asi lai.