NUMBER 7 - Bawm Common Language Bible Version

Ruitu Tla Thil Ap

¹ Chu ni ah chun Mosi nih LALPA umnâk Puanin zeizawng a timhtuah thluh rawh chun, Puanin leh a thuamthil zawzawng, mâichâm leh a thuamthil zawzawng sariak buaih hen a ap.

² Israel phun lakah a ruitu dauh leh a lukhâi dauh,

³ minung lurêl leikângah mawhphurhtu tla nih chun LALPA sinah thil ap ding an hawng put: kari paruk leh chawchal leinih, ruitu panih rangah kari pakhat vima leh ruitu pakhat rangah chawchal pakhat chiau ding hen. An ektê hen an pêk thluh rawh chun,

⁴ LALPA nih Mosi sinah,

⁵ “Puanin leikângah rianṭuannâk ah mang ding hen hi bang thilpêk tla hi lâk le, an rianṭuan ding dân hâwi vima hen Levi tla rangah pêk na,” a ti.

⁶ Churawhchun, Mosi nih kari tla leh chawchal tla chu Levi tla rangah a pêk na.

⁷ Gerson thlâk tla rangah kari panih leh chawchal pali a pêk na,

⁸ kari pali leh chawchal pariat Merari thlâk tla rangah a pêk na. Chubang zawzawng rianṭuan tla chu Aron fapa Ithamar thu hen ver asi ding asi.

⁹ Sikhawmsele, Mosi nih Kohat thlâk murui rangah lam chun kari leh chawchal a pêk na lo, thil thenhlimh kilkâwitu leh an liangah zawnhtu an si ruangah.

¹⁰ Ruitu tla nih mâichâm ap mi rang ding ah thil ap an hawng put. Mâichâm ah thilpêk ding anna tîm liauah,

¹¹ LALPA nih Mosi sinah, “Ni leinih karah nisiar hen ruitu pakhat vima nih mâichâm apnâk rangah thilpêk tla chu pêk ding hen simh na,” a ti.

^12-83 Hi hâwi hen an thilpêk tla chu a sang sang hen an pêk asi: Ni Phun Hotu 1 nâk Juda Aminadab fapa Nason 2 nâk Isakar Zuar fapa Nethanel 3 nâk Zebulun Helon fapa Eliab 4 nâk Reuben Sedeur fapa Elizur 5 nâk Simeon Zurisadai fapa Selumiel 6 nâk Gad Deuel fapa Eliasap 7 nâk Efraim A ihud fapa Elisama 8 nâk Manaseh Pedazur fapa Gamaliel 9 nâk Benjamin Gideoni fapa Abidan 10 nâk Dan Amisadai fapa Ahiezer 11 nâk Aser Okran fapa Pagiel 12 nâk Naphtali Enan fapa Ahira. An ap mi kip â bang hep: tangka khêng pakhat kilogramme 1.5 rih leh tangka mâihûm pakhat gramme 800 rih khingh dân hen, fâng ap mi rangah sangvut sariak hen chawmh mi; ngûn khêng pakhat gramme 110 rih, rimthâw hen khat mi; duahphung thil ap rangah chawchal tuai pakhat, dawrâ chal pakhat leh kum khat mi dawrâ fa; sual thil ap rangah kêl pakhat; kawmhnâk thil ap rangah chawchal panih, dawrâ chal panga, kêl panga, dawrâ fa kum khat mi panga.

Ni Phun Hotu

^84-88 Ruitu leinih tla nih mâichâm apnâk ding ah thil ap an hawng put mi a ektê fawnh hen hi hawi asi: -tangka khêngkûm leinih leh tangka mâihûm leinih an rih zat fawnh hen kilogramme 27.6 asi. -Ngûn khêng leinih rimthâw hen khat mi an rih zat fawnh hen kilogramme 1.32 -Chawchal leinih, dawrâ chal leinih, dawrâ fa kum khat mi leinih chu fâng thil ap leh duahphung thil ap rang ding an si. -Sual thil ap rangah kêl leinih -kawmhnâk thil ap rangah chawchal kul leh pali, dawrâ chal sâwmruk, kêl sâwmruk, kum khat mi dawrâ fa sâwmruk.

⁸⁹ Mosi chu LALPA sawnh ding hen Puanin ah a lût liauah Thudântuk Bâwm sinh tlûnlei ah Thilsiam (cherubim) panih thla karah Pathian nih tlûnlei thawk hen a hawng sawnh mi a theih.