NUMBER 2 - Bawm Common Language Bible Version

Riaknâk Mun Ah Phun Tla Siamremnâk

¹ LALPA nih Mosi leh Aron sinah hi sîntirnâk tla hi a pêk na.

² Israel tla nih mun an khuar tikah mah murui chiau puanzâr tangah um hen mah chi singsiahnâk puanthlâi um chiau ding asi. Um mun chu Puanin hêl bung hen an siam ding asi.

^3-9 Suahlei kângah Juda tla chu mah murui puanzâr tang chiauah an murui hotu tang chiauah hi hâwi hen an um ding asi. Phun Ruitu Minung zat Juda Aminadab fapa Nason 74,600 Isakar Zuar fapa Nethanel 54,400 Zebulun Helon fapa Eliab 57,400 A ektê fawnh hen: 186,400 A masa chem ah Juda murui kal ding.

Phun Ruitu Minung zat

^10-16 Simlei kâng Reuben murui tla chu mah murui puanzâr tang chiauah an murui hotu tangah hi hâwi hen an um ding asi. Phun Ruitu Minung zat Reuben Sedeur fapa Elizur 46,500 Simeon Zurisadai fapa Selumiel 59,300 Gad Deuel fapa Eliasap 45,650 A ektê fawnh hen: 151,450 Reuben murui chu a masa chem zûltu murui nihnâk an si lai.

Phun Ruitu Minung zat

¹⁷ A masa chem mi murui nih leh a madung mi murui nih karah Levi tla Puanin zawnhtu an kal ding asi. Murui kip chu riakmun a mi hâwi hen a sang vima hen kal ding asi, mah puanzâr mi mun chiauah.

^18-24 Tlâklei kângah Efraim murui tla chu mah puanzâr tang chiauah an murui hotu tangah hi hâwi hen an um ding asi. Phun Ruitu Minung zat Efraim Amihud fapa Elisama 40,500 Manaseh Pedazur fapa Gamaliel 32,200 Benjamin Gideoni fapa Abidan 35,400 A ektê fawnh hen: 108,100 Efraim murui chu a murui thumnâk ah an kal lai.

Phun Ruitu Minung zat

^25-31 Marlei kângah Dan murui tla chu mah puanzâr tang chiauah mah murui hotu tangah hi hâwi hen an um ding asi. Phun Ruitu Minung zat Dan Amisadai fapa Ahiezer 62,700 Aser Okran fapa Pagiel 41,500 Naphtali Enan fapa Ahira 53,400 A ektê fawnh hen: 157,600 Dan murui chu a madung chem ah an kal lai.

Phun Ruitu Minung zat

³² Israel mi tla a murui a murui hen rîn mi zat chu 603,550 asi.

³³ LALPA nih Mosi sinah thu a pêk na hâwi hen Israel midang vial leh Levi phun chu rîn sih an si lo.

³⁴ Israel mi tla nih chun LALPA nih Mosi sinah thu a pêk mi zawng chu an ti, mah puanzâr tang chiauah an um le, anmah chi chiau hen an kal.