JEREMIA 45 - Bawm Common Language Bible Version

Baruk Sinah Pathian Thutiam

¹ Juda lalchem Josiah fapa Jehoiakim a lal mi a kum linâk ah a sinah ka sim hâwi hen Baruk nih a rîn.

² LALPA, Israel Pathian nih a sim mi thu chu ka simh,

³ “Baruk, ka neng rawh! LALPA nih ka lawksawngnâk hawng ka sap piak. Rûm ka neng rawh, dinhnâk khawm ka tawng kho lo!’ na ti.

⁴ “Sikhawmsele, Kei, LALPA nih ka dîrh mi chu ka siat le, ka phun rawh mi chu ka phâwi. Hi hi tual pumpi lakah ka ti awt.

⁵ Nangmah rang ê hen bulsantu na hâwl mu? Minung zawzawng tlûnah siatnâk ka hawng tlungtir lai, sikhawmsele na kalnâk zawng ah na nungnâk cho a him lai. Kei, LALPA nih ka sim asi,” a ti.