Romafoɔ 4 - Apam Foforɔ

Abraham nhwɛsoɔ

¹ Ɔte saa a afei mmɛ ne yɛbɛka sɛ ɔyɛ mfasoɔ a Abraham a ɔyɛ yɛ honam fam agya-panyini he nyaeɛ?

² Sɛ nnwuma mu ne bebuu Abraham bem a, nka ɔwɔ nea ɔde bɛhoahoa ne ho, nso ɔnyɛ Nyankopɔn anim.

³ Na mmɛ twerɛsɛm he ka? “Abraham gyee Nyankopɔn diiɛ, na Nyankopɔn buu ne gyidie he sɛ tenenee maa no.”

⁴ Na afei sɛ bi yɔ adwuma a, bemmu n’akatua sɛ akyɛdeɛ, na mmom bebu no sɛ adeɛ ɔfata no.

⁵ Nso bi a wannyɔ adwuma he gye nea obu debɔnyɛni bem he di a, obu saa gyidie he sɛ tenenee ma no.

⁶ Nti Dawid nso kasa faa nhyira a ɔba bɛ a Nyankopɔn kwati bɛ nnwuma bu bɛ bem he ho sɛ:

⁷ “Nhyira ne bɛ a bɛde bɛ mmarato akyɛ bɛ, na bɛakata bɛ bɔne so;

⁸ nhyira ne nipa a Awurade mmu ne bɔne ngu ne so.”

⁹ Nti saa nhyira yi, kɔma bɛ a bɛatwa bɛ twetia nkoaa, anaa bɛ a bentwaa bɛ twetia nso ka ho? Yɛpae mu ka sɛ, Gyidie ne bɛde buu Abraham sɛ ɔtene.

¹⁰ Mmɛ kwane so ne bɛde buu no saa? Ɔyɛ berɛ a na bentwaa no twetia he anaa betwaa no twetia wieeɛ he a? Ɔnnyɛ twetiatwa he akyi, na mmom yei siiɛ ansa na betwaa no twetia.

¹¹ Onyaa twetiatwa he ho nsɛnkyerɛnne sɛ tenenee a ɔnam gyidie so nyaeɛ he ho nsɔano berɛ a na bentwaa no twetia. Nyankopɔn yɔɔ yei nam so ama Abraham abɛyɛ bɛ a bentwaa bɛ twetia, na nso bɛgye Nyankopɔn di he nyinaa agya, na ne saa nti bɛabu bɛ nso sɛ ateneneefoɔ,

¹² saa ara nso ne ɔyɛ agya ma twetiafoɔ a, ɔnyɛ bɛ twetiatwa nkoaa, na mmom bɛnam yɛ agya Abraham a onyaa gyidie ansa na betwaa no twetia he anammɔno mu.

Nyankopɔn nhwɛsoɔ a ɔnam gyidie so

¹³ Na bɔ a bɛhyɛɛ no sɛ obedi adeɛ wiase he annyɛ bɔhyɛ a ɔnam mmara so maa Abraham anaa n’asefoɔ na mmom ɔnam gyidie tenee so.

¹⁴ Sɛ mmara sodifoɔ he ne ɔsɛ sɛ bɛyɛ adedifoɔ a, hedeɛ na gyidie yɛ kwa na bɔhyɛ he nso nni mu;

¹⁵ efiri sɛ mmara he twetwe Nyankopɔn abufuo ba; na sɛ mmara nni hɔ a, mmarato biaa nso nni hɔ.

¹⁶ Ne saa nti ogyina gyidie so, sɛnea ɔbɛyɛ a bɔhyɛ he begyina adom so na adi agyinamu ama n’asefoɔ nyinaa, ɔnnyɛ mmara sodifoɔ he nkoaa, na mmom bɛ a bekura Abraham gyidie he bi, efiri sɛ ɔyɛ yɛ nyinaa yɛ agya,

¹⁷ sɛnea bɛatwerɛ sɛ “Maayɔ wo amane bebree bɛ agya,” Nyankopɔn a ɔgye no di he anim, nea ɔma awufoɔ nkwa, na ɔfrɛ adeɛ a onni hɔ ma no ba.

¹⁸ Berɛ a na anidasoɔ nni hɔ he, Abraham gyinaa anidasoɔ so gye dii sɛ ɔbɛyɛ amane bebree agya sɛnea bɛaka sɛ he, “Saa ara ne w’asefoɔ bɛyɛ bebree.”

¹⁹ Ne gyidie anhinhim, mpo berɛ a ohuu sɛ ne nipadua ayɛ sɛnea awu (efiri sɛ na waadi mfeɛ ha), anaa berɛ a ohuu sɛ Sara yɛ bonyini he.

²⁰ Na Nyankopɔn bɔhyɛ he ho deɛ wamma annyeannie biaa amma n’akwane mu, amma no annye akyinnye, na mmom ogyinaa pintinn gyidie mu na ɔhyɛɛ Nyankopɔn animuonyam,

²¹ onyaa awerɛhyɛmu paa sɛ Nyankopɔn betumi ayɔ nea w’ahyɛ ho bɔ he.

²² Gyidie a ɔnyaa yɛ nti “bebuu ne sɛ ɔtene.”

²³ Afei nsɛm a ɔka sɛ, “Nyankopɔn buu ne gyidie sɛ tenenee maa no” he, bɛantwerɛ amma ɔno nkoaa,

²⁴ na mmom bɛtwerɛ maa yɛ nso; na bɛabu yɛ a yɛgye nea ɔnyanee Yesu a ɔyɛ yɛ Awurade firii awufoɔ mu he di nso sɛ yɛ tene.

²⁵ Yesus ne yɛ bɔne nti beyii no maa wuo na yɛ bembuo nti bɛyanee no he.