Marko 7 - Apam Foforɔ

Mpanyimfoɔ he Atetesɛm

¹ Na afei Farisifoɔ ne atwerɛfoɔ bi a na befiri Yerusalem aba he twaa ne ho hyiaeɛ,

² behuu sɛ n’asuafoɔ he bi de nsa a ho agu fi oodi paanoo, ɔne sɛ bɛanhohoro bɛ nsa ho.

³ (Nea na Farisifoɔ he ne Yudafoɔ he nyinaa yɔ ne sɛ bɛanhohoro bɛ nsa ho yie a, bennidi, ɔno ne mpanyimfoɔ atetesɛm so die;

⁴ na sɛ befiri dwam ba na bɛnnhohoro bɛ ho a, bennidi; na atetesɛm ahodoɔ pii nso ya hɔ a na bedi so, nkuruwaa, nhina ne kɔɔbere mfrafraɛsɛne, ne apono hohoro.)

⁵ Nti Farisifoɔ ne atwerɛfoɔ he bisaa no sɛ, “Mmɛ nti ne w’asuafoɔ nni mpanyimfoɔ atetesɛm he so yi, na bɛde nsa a ho agu fi ne didi yi?”

⁶ Ɔka kyerɛɛ bɛ sɛ, “Odi sɛ Yesaia hyɛɛ ho nyaatwomfoɔ ho nkɔm sɛ, ‘Nnipa yi de bɛ ano ne di me ni nso bɛ akoma deɛ ya akyirikyiri

⁷ bɛsom me kwa, bɛkyerɛkyerɛ nipa ahyɛdeɛ sɛ nkyerɛkyerɛ pa.’

⁸ Hopo Nyankopɔn mmara na hokura nnipa atetesɛm.”

⁹ Afei ɔka kyerɛɛ bɛ sɛ, “Honam nyansakwane so po Nyankopɔn mmara sɛdeɛ ɔbɛyɛ a hobetumi adi ho atetesɛm so!

¹⁰ Na Mose kaa sɛ, ‘Di wo agya ne wo na ni,’ na ‘biaa a ɔbɛka asɛm bɔne afa n’agya anaa ne na ho he, ɔsɛ sɛ owu.’

¹¹ Nso hoka sɛ, sɛ bi ka kyerɛ n’agya anaa ne na sɛ, ‘Mfasoɔ a nka wobenya afiri me so nyinaa yɛ Korban’ (ɔne sɛ afɔreɛ ma Nyankopɔn) a,

¹² hedeɛ na onni ho kwane sɛ ɔyɔ bibiaa ma n’agya anaa ne na.

¹³ Yei nti honam ho atetesɛm a hode agya nkyiremma so ato Nyankopɔn asɛm atwene. Na hoyɔ nnoɔma a ɔte sei bebree.”

¹⁴ Afei ɔfrɛɛ nnipadɔm he bio ka kyerɛɛ bɛ sɛ, “Ho nyinaa hontie me na honte aseɛ:

¹⁵ Adeɛ biaa nni hɔ a ɔkɔ nipa mu a otumi gu ne ho fi; ɔyɛ deɛ ofiri nipa mu ba mmom ne tumi gu ne ho fi.”

¹⁶ [Ma deɛ ɔwɔ aso he ntie.]

¹⁷ Berɛ a ogyaa nnipakuo he hɔ kɔ fie he, n’asuafoɔ he bisaa no asɛm a ɔkaeɛ he mu nkyeremu.

¹⁸ Na obisaa bɛ sɛ, “Ho nso honte aseɛ? Nti honnim sɛ adeɛ biaa nni hɔ a ɔkɔ nipa mu a otumi gu ne ho fi?

¹⁹ Nea nti a ɔte saa ne sɛ ɔnkɔ akoma he mu, na mmom yafunu mu, na apie akɔ yaanee mu.” (Na ɔkaa yei de tee aduane nyinaa ho.)

²⁰ Na ɔkaa sɛ, “Nea ofiri nipa bi mu pie ne gu ne ho fi.

²¹ Na nipa mu, nipa akomam ne adwemmɔne firi ba: adwamammɔ, korɔno, awudie,

²² awaresɛeɛ, aniberebereɛ, amumuyɔ, nnaadaa, honam akɔnnɔ, ahoɔyea, abususɛnka, ahomasoɔ, nkwaseasɛm.

²³ Saa nnoɔma bɔne yi nyinaa firi nipa mu, na yeinom gu ne ho fi.”

Siro-Foinikeni Baa he Gyidie

²⁴ Yesu firii hɔ he, osiim kɔɔ Tiro. Ɔkɔɔ fie bi mu, na wampɛ sɛ biaa behu sɛ ɔya hɔ. Nso wantumi amfa ne ho ansie.

²⁵ Na ankyɛre biaa ne baa bi a honhom fi te ne ba baa mu tee ne nka, na ɔba bɛkotoo ne nane ase.

²⁶ Na baa he yɛ Helani a ofiri Siro-Foinike. Ɔsrɛɛ Yesu sɛ ontu honhom fi he mfiri ne ba baa he mu.

²⁷ Nso ɔka kyerɛɛ baa he sɛ, “Ma mma nnidi nwie, na ɔnyɛ sɛ woto mma aduane ma nkramane.”

²⁸ Nso baa he maa no muaeɛ sɛ, “Owura, mpo nkramane a bɛda pono he ase he di mma he aduane ase mproprowa.”

²⁹ Afei ɔka kyerɛɛ no sɛ, “Dea waka he nti kɔ—honhom fi he afiri wo ba baa he mu.”

³⁰ Nti ɔkɔɔ fie, na ohuu sɛ ne ba baa he da kɛtɛ so a honhom fi he afiri ne mu ampa.

Yesu Saa Beema bi a N’aso asi Yadeɛ

³¹ Afei Yesu firii Tiro kuro mu baeɛ, na ɔfaa Sidon kɔ Galilea po ho Dekapoli mpɔtamu hɔ.

³² Na bɛde beema bi a n’aso asi a ɔwɔ haw ne kasaa mu braa no, na bɛsrɛɛ no sɛ ɔmfa ne nsa nto ne so.

³³ Ɔde no firii dɔm he nkyɛne kɔɔ kokoam baabi, na ɔde ne nsateaa hyehyɛɛ n’asum, afei ɔtoo ntasuo guu ne nsateaa so, na ɔde kaa beema kɛtrɛma.

³⁴ Na ɔhwɛɛ soro, guu ahome na ɔka kyerɛɛ no sɛ, “Effata!” Asekyerɛ ne sɛ, “Ma no mmie.”

³⁵ Na amonom hɔaa n’aso bieeɛ, na ne kɛtrɛma mu nso goeɛ, na ɔkasaa kama.

³⁶ Na Yesu hyɛɛ bɛ ketee sɛ bɛnnka nkyerɛ biaa, na mprɛ dodoɔ a ɔhyɛɛ bɛ sɛ bɛnnka he, saa mprɛ dodoɔ heaa ne bɛde anigyeɛ bɔɔ asɛm he dawuro.

³⁷ Ɔyɛɛ bɛ nwanwa boro so na bɛkaa sɛ, “Waayɔ nnoɔma nyinaa yie, ɔma deɛ n’aso asi mpo te asɛm na mum nso kasa.”