Marko 16 - Apam Foforɔ

Yesu wusɔreɛ

¹ Na homeda twaam he, Maria Magdalene ne Yakubu maame Maria ne Salome kɔtɔɔ aduhwam sɛ bɛde ɔɔkɔsra Yesu.

² Na nnawɔtwe da a odi kane anɔpatutuutu he, berɛ na awia oopieɛ he, bɛkɔɔ nna he so.

³ Na bebisabisaa bɛ ho bɛ ho sɛ, “Hwane ne bemini boɔ he afiri nna he so ama yɛ?”

⁴ Bɛhwɛeɛ he, behuu sɛ boɔ kɛseɛ a ɔda adamena he ano he amini afiri hɔ.

⁵ Beewura nna he mu he, behuu abeemaa bi a ɔhyɛ ataadeɛ tentene fitaa te nifa so hɔ, na bɛ akoma tuiɛ.

⁶ Nso ɔka kyerɛɛ bɛ sɛ, “Hommma ho akoma ntu, hoohwehwɛ Nasareni Yesu nea bɛbɔɔ no asennua mu he. Wanyane, na onni ha. Hwɛ, baabi a bɛde no toeɛ.

⁷ Na honkɔ, nkɔka nkyerɛ n’asuafoɔ ne Petro sɛ oodi ho anim kane Galilea, hɔ ne ho behu no, sɛdeɛ ɔka kyerɛɛ ho he.”

⁸ Bepieeɛ, na bedwane firii adamena he mu efiri sɛ na hu ne suro ahyɛ bɛ so, na bɛanka hwee ankyerɛ biaa, efiri sɛ na besuro. [Na deɛ na wahyɛ bɛ nyinaa bɛka kyerɛɛ bɛ a bɛ ne Petro ya hɔ he. Na akyire yi Yesu ankasa de somaa bɛ, firi apieeɛ kosii atɔeɛ sɛ bɛmpae mu nka daa nkwa nsɛm a ɔyɛ kronkron na ɔnsɛe da he.]

Marko Asɛmpa awieeɛ a odikane MARKO ASƐMPA AWIE A ƆTƆ SO MMIENU Yesu yii ne ho adi kyerɛɛ Maria Magdalene

⁹ [Na afei berɛ a Yesu sɔre firii awufoɔ mu nnawɔtwe da a odi kane he, anɔpa tututuutu he, odii kane yii ne ho kyerɛɛ Maria Magdalene, nea otuu ahonhommɔne nson firi ne mu he.

¹⁰ Nti ɔkɔ kɔka kyerɛɛ bɛ a na bɛ ne no ya hɔ he, berɛ a na beesu di awerɛhoɔ he.

¹¹ Nso bɛtee sɛ ɔte ase na waahu no he, bɛannye anni.

Yesu yii ne ho adi kyerɛɛ asuafoɔ mmienu bi

¹² Yei akyi he, Yesu yii ne ho adi tebea foforɔ mu kyerɛɛ bemu mmienu, berɛ a na bɛnam ɔɔkɔ kuro he mu.

¹³ Na bɛsane kɔɔ kuro he mu kɔka kyerɛɛ nkaeɛ he, nso bɛangye anni.

Yesu maa Asuafoɔ he Ahyɛdeɛ

¹⁴ Akyire yi oyii ne ho kyerɛɛ dubaako he berɛ a na bɛte adidi pono ho, na ɔkaa bɛ anim ɔnam gye a bɛannye anni ne bakoma dene nti, efiri sɛ bɛannye bɛ a bɛka kyerɛɛ bɛ sɛ waasɔre he anni.

¹⁵ Na ɔka kyerɛɛ bɛ sɛ, “Honkɔ wiase nkɔbɔ asɛmpa he dawuro nkyerɛ abɔdeɛ nyinaa.

¹⁶ Nea ɔbɛgye adi na hobɛbɔ no asu he benya nkwa, na nea wannye anni he bebebu no fɔ.

¹⁷ Na nsɛnkyerɛnne yeinom bedi bɛ a bɛbɛgye adi he akyi, bɛde me dini betutu ahonhommɔne, bɛbɛka kasa foforɔ.

¹⁸ Bɛde bɛ nsa bɛfa awɔ, na sɛ bɛnom awuduro mpo a, ɔnyɔ bɛ hwee, bɛde bɛ nsa begu ayarefoɔ so, na bebenya ayaresa.”

Yesu Soro kɔ

¹⁹ Na afei Awurade Yesu ne bɛ kasa wieeɛ he, Nyankopɔn maa no so kɔɔ soro kɔtenaa ne nsa nifa so.

²⁰ Na bɛkɔɔ abɔntene kɔbɔɔ asɛm he dawuro baabiaa, na Awurade de bɛ yɔɔ adwuma na ɔde nsɛnkyerɛnne a odi akyire hyɛɛ asɛm he dene.]