Luka 24 - Apam Foforɔ

Yesu sɔre firii awufoɔ mu

¹ Na nnawɔtwe he da a odi kane he, bɛyɔɔ ntɛm de aduhwam a bɛasiesie he kɔɔ nna he so.

² Nso behuu sɛ bɛamini boɔ a na ɔda nna he ano he afiri hɔ,

³ na berɛ a bɛkɔɔ mu he, bɛanhu Awurade Yesu amu he.

⁴ Berɛ a bɛ tirim ayɛ bɛ kesenenee he, hwɛ, mmeema mmienu a bɛhyehyɛ ntaadeɛ nahanaha begyinaa bɛ nkyɛne.

⁵ Berɛ a hu aka mmaa he na bɛasisi bɛ ti aseɛ he, mmeema he ka kyerɛɛ bɛ sɛ. “Mmɛ nti ne hoohwehwɛ teasefoɔ awufoɔ mu yi?

⁶ Onni ha, na mmom wasɔre. Honkae nea ɔka kyerɛɛ ho berɛ a na ɔda so ya Galilea he,

⁷ sɛ otwa sɛ beyi Nipa Ba he hyɛ abɔnefoɔ nsa na bɛbɔ no asennua mu na da a ɔtɔ so mmeɛnsa he wasɔre.”

⁸ Nti bɛkae ne nsɛm he,

⁹ na bɛsane firii da he so de nea asi he nyinaa ho amaneɛ kɔbɔɔ dubaako he ne bɛ a bɛaka he nyinaa.

¹⁰ Na ɔyɛ Maria Magdalene, ne Yohana, ne Yakobo maame Maria. Afei nso, mmaa a aka a bɛka bɛ ho he kaa yeinom kyerɛɛ asomafoɔ he.

¹¹ Nso, nsɛm yi yɛɛ bɛ sɛ nsenhunu bi, na bɛannye mmaa he anni.

¹² [Na Petro sɔre tutuu mmirika kɔɔ da he so, na ɔbɔɔ ne mu ase he, ohuu nwera a bedekyekyeree Yesu amu he nkoaa. Nti ofirii hɔ kɔɔ fie, na nea asi he maa ne ho dwirii no.]

Yesu ne asuafoɔ bino kɔɔ Emaus

¹³ Na hwɛ, da heaa na bɛ mu mmienu ɔɔkɔ Emaus a ɔyɛ akuraa bi a ofiri hɔ kɔ Yerusalem bɛyɛ akwansini nson,

¹⁴ na bɛɛbɔ nea asi he nyinaa ho nkɔmmɔ.

¹⁵ Berɛ a bɛɛbɔ nkɔmmɔ na beesusu ho he, Yesu ankasa bɛtoo bɛ na ɔne bɛ bɔɔ anane nanteeɛ,

¹⁶ nso bɛanhu sɛ ɔyɛ ɔno a.

¹⁷ Obisaa bɛ sɛ, “Abɛ asɛm ne honam kwane so oosusu ho yi?” Na begyinaeɛ a na bɛ anim ayɛ bosaa.

¹⁸ Bɛ mu baako a ne dini de Kleopa buaa no sɛ, “Nti wo nkoaa ne wote Yerusalem a woyɛ hɔhoɔ a nti wonnim asɛm a asi hɔ nnansa yi?”

¹⁹ Na obisaa bɛ sɛ, “Mmɛ asɛm ne asi?” Bɛka kyerɛɛ no sɛ, “Nea ɔfa Nasareni Yesu, a ɔyɛ diyifoɔ a ɔwɔ tumi, nnwuma ne kasa mu, Nyankopɔn ne mane he nyinaa anim he ho he,

²⁰ ne sɛnea yɛ asɔfoɔ mpanyimfoɔ ne atumfoɔ he yii no maeɛ ma bebuu no kumfɔ na bɛbɔɔ no asennua mu he.

²¹ Na yɛ deɛ, yɛ ani daa so sɛ nka ɔno ne ɔɔbɛgye Israel. Nso yei nyinaa akyi he, nnansa ni a nsɛm yi siiɛ.

²² Bio nso, mmaa bi a befiri yɛ mu maa yɛ ho dwirii yɛ, efiri sɛ bɛyɔɔ ntɛm kɔɔ da he so

²³ nso bɛanhu n’amu he, na bɛbɛkaa sɛ abɔfoɔ yii bɛ ho adi kyerɛɛ bɛ ma bɛkaa sɛ ɔte ase.

²⁴ Afei, bɛ a bɛne yɛ ya hɔ he binom kɔɔ da he so; na bekohuu sɛ ɔte saa, sɛnea mmaa he bɛkaeɛ he pɛpɛɛpɛ, nso bɛ deɛ bɛanhu no.”

²⁵ Nti ɔka kyerɛɛ bɛ sɛ, “O adwenharefoɔ a hoyɛ nyaa ho akoma mu sɛ hobɛgye deɛ adiyifoɔ he aka nyinaa adi!

²⁶ Nti na ɔnsɛ sɛ Kristo he hu amaneɛ yi nyinaa na ɔkɔ n’Animuonyam mu anaa?”

²⁷ Na ɔde firi Mose ne Adiyifoɔ he nyinaa so kyerɛkyerɛɛ bɛ nsɛm a ɔfa ne ho a ɔya Twerɛsɛm he nyinaa mu.

²⁸ Awieeɛ koraa he, bɛbɛnee akuraa a na bɛɛkɔ aseɛ he, na ɔyɔɔ te sɛ nea ɔɔtoa so akɔ n’anim:

²⁹ Nso bɛhyɛɛ no dendenndene sɛ “Tena yɛ nkyɛne, efiri sɛ nwunu adwo, na adeɛ anya asa.” Nti ɔkɔtenaa bɛ nkyɛne.

³⁰ Na ɔne bɛ te adidiiɛ he ɔfaa paanoo hyiraa so bubuiɛ, na ofirii aseɛ de maa bɛ.

³¹ Afei bɛ ani biebie koraa ma behuu sɛ ɔyɛ ɔno a; na ɔyera firii bɛ nkyɛne.

³² Na bɛbisabisa bɛ ho bɛ ho sɛ, “Berɛ a ɔne yɛ ɔɔkasa kwane so na ɔɔkyerɛ Twerɛsɛm he mu kyerɛ yɛ he, ampusu yɛ akoma anaa?”

Asuafoɔ mmienu he sane kɔ Yerusalem

³³ Na dɔno heaa mu he, bɛsɔre sane kɔɔ Yerusalem, na bekohuu dubaako he ne bɛ a bɛka bɛ ho he sɛ bɛahyiam,

³⁴ ɔɔka sɛ “Ampa, Awurade anyane, na waayi ne ho adi akyerɛ Simon!”

³⁵ Afei bɛ ankasa nso bɛkaa nsɛm a osii kwane so ne sɛdeɛ behuu no paanoobubuo mu he kyerɛɛ bɛ.

Yesu yi ne ho kyerɛɛ asuafoɔ he

³⁶ Na bɛɛkasa saa he, ɔno ankasa begyinaa bɛ mfimfini ka kyerɛɛ bɛ sɛ, “Asomdwie nka ho.”

³⁷ Nso esiane sɛ na hu aka bɛ, na besuro nti, besusuu sɛ bɛahu samane bi.

³⁸ Nti ɔka kyerɛɛ bɛ sɛ, “Ɛɛne nti ne ho akoma tutu, na mmɛ nti ne ho adwene yɛ ho naa yi?

³⁹ Honhwɛ me nsa ne me nane, na hoahu sɛ ɔyɛ meaa; homfa ho nsa nso me mu nhwɛ, na samane nni honam ne nnompe sɛnea hohu sɛ mewɔ yi.”

⁴⁰ Na ɔkaa yei he, ɔde ne nsa ne ne nane kyerɛɛ bɛ.

Yesu didii asuafoɔ he anim

⁴¹ Nso berɛ a anigyeɛ nti bɛda so nnye nni na asɛm he yɛ bɛ nwanwa he, obisaa bɛ sɛ, “Howɔ aduane bi ya hɔ anaa?”

⁴² Na bɛmaa no apataa sini bi a bɛatoto;

⁴³ ɔgyeeɛ, na odii no bɛ anim.

Yesu kyerɛkyerɛ anyamesɛm ase

⁴⁴ Afei ɔka kyerɛɛ bɛ sɛ, “Yei ne me nsɛm a meka kyerɛɛ ho berɛ a na meda so ka ho ho he, sɛ otwa sɛ nea bɛatwerɛ afa me ho ya Mose mmara ne Adiyifoɔ he ne Nnwom he mu nyinaa ba mu.”

⁴⁵ Afei obiee bɛ adwene mu yie ma bɛtee Twerɛsɛm he ase,

⁴⁶ na ɔka kyerɛɛ bɛ sɛ, “Saa kwane yi so ne bɛatwerɛ sɛ Kristo he behu amaneɛ na da a ɔtɔ so mmeɛnsa he wasɔre afiri awufoɔ mu,

⁴⁷ na ne dini so ne bebegyina aka adwensakra ne bɔne fakyɛ ho asɛm amansa nyinaa mu​, na bɛbɛhyɛ aseɛ afiri Yerusalem.

⁴⁸ Hobɛyɛ nnoɔma yi ho adansefoɔ.

⁴⁹ Na hwɛ, meesoma nea m’Agya ahyɛ ho bɔ he aba ho so. Ho deɛ, hontena kuro he mu nkosi sɛ bɛbɛma ho ahoɔdene a ofiri soro.”

Yesu sorokɔ

⁵⁰ Na ɔde bɛ firii adi dii bɛ anim kɔɔ Betania, na ɔmaa ne nsa so hyiraa bɛ.

⁵¹ Na oohyira bɛ he ɔne bɛ ntam teteɛ na bɛmaa no so kɔɔ soro.

⁵² Na bɛkotoo no sane de anigye kɛseɛ baa Yerusalem.

⁵³ Na bɛtenaa asɔre fie hɔ daa yii Nyankopɔn ayɛ.