Luka 17 - Apam Foforɔ

Sintiduatoɔ

¹ Afei ɔka kyerɛɛ n’asuafoɔ he sɛ. “Nea ɔbɛyɛ biaa sintiduatoɔ he bɛba. Nso nea ɔnam no so bɛba he nnue!

² Nka ɔyɛ ma no sɛ bɛde ayuyammoɔ bɛsɛne ne kɔno mu akɔto no ato po mu, sene sɛ ɔbɛto nketewa yi mu baako sintidua.

Bɔne fakyɛ

³ Homma ho ani mmra ho ho so. Sɛ wo nua yɛ bɔne bi a ka n’anim, na sɛ onu ne ho a fakyɛ no.

⁴ Sɛ bi yɛ wo bɔne mprɛ nson da koro na ɔsane ba wo nkyɛne mprɛ nson ka sɛ, ‘Maanu me ho a,’ fakyɛ no.”

⁵ Na asomafoɔ he ka kyerɛɛ Awurade sɛ, “Ma yɛ gyidie nyɛ kɛseɛ.”

Gyidie mu tumi

⁶ Na Awurade kaa sɛ, “Sɛ howɔ gyidie a ne kɛseɛ te sɛ sinapi aba mpo a, nka hobɛka akyerɛ saa akyee dua yi sɛ, ‘Tutu na kosi po mu!’ Na nka obetie ho.

Nɔkorɛdie

⁷ “Ho mu hwane ne ɔwɔ akoa a oofuntum asaase anaa ɔɔhwɛ mmoa, na sɛ ofiri afuom ba a ɔbɛka akyerɛ no sɛ, ‘Yɔ ntɛm bra bɛtena didipono ho’;

⁸ na ɔnnka nkyerɛ no sɛ, ‘Siesie bibi ma menni anwummerɛ yi, na bɔ wo ho so som me kosi sɛ medidi anom awie, na ɔno akyi he wobetumi adidi anom?’

⁹ Ɔbɛda akoa he ase sɛ wayɔ nea wahyɛ no he anaa?

¹⁰ Nti ho nso, sɛ hoyɔ nea bɛahyɛ ho nyinaa wie a, honka sɛ, ‘Yɛyɛ nkoa a yɛnsɛ hwee. Nea ɔsɛ sɛ yɛyɔaa ne yɛayɔ yi.’ ”

Akwatafoɔ du he ayaresa

¹¹ Na Yesu ɔɔkɔ Yerusalem he ɔfaa Samaria ne Galilea ntam.

¹² Na ɔɔyɛ aduru akuraa bi ase he, mmeema akwatafoɔ du huu no, nso bɛsɔre gyinaa akyirikyiri.

¹³ Na bɛmaa bɛ nne so kaa sɛ. “Owura Yesu hu yɛ mmɔbɔ!”

¹⁴ Na ohuu bɛ he, ɔka kyerɛɛ bɛ sɛ, “Honkɔ na homfa ho ho nkɔkyerɛ asɔfoɔ he.” Na berɛ a bɛɛkɔ he bɛ ho firiiɛ.

¹⁵ Berɛ a bɛ mu baako huu sɛ ne ho afiri he, ɔsane baeɛ de nne kɛseɛ hyɛɛ Nyankopɔn animuonyam:

¹⁶ Na ɔde n’anim butu Yesu nane ase daa no ase; na ɔyɛ Samariani.

¹⁷ Afei Yesu buaa sɛ, “Ɔnyɛ du ne bɛ ho firiiɛ? Na nkron a bɛaka he ya he?

¹⁸ Nti bɛanhu bɛ mu biaa a wasane n’akyi ammfa animuonyam ammra Nyankopɔn ka beema a ɔyɛ manfrani yi ho?”

¹⁹ Afei ɔka kyerɛɛ no sɛ, “Sɔre kɔ; wo gyidie agye wo.”

Nyankopɔn ahennie he mmaeɛ

²⁰ Berɛ bi Farisifoɔ he bisaa Yesu berɛ korɔ a Nyankopɔn ahennie he bɛba, obuaa bɛ sɛ, “Nyankopɔn ahennie he ɔɔmma sɛ adeɛ a behu no pefee;

²¹ na bɛnka nso sɛ ‘Hwɛ, ɔya ha’ anaa ‘ɔya hɔ,’ efiri sɛ Nyankopɔn ahennie he ya ho mfimfini.”

²² Afei ɔka kyerɛɛ asuafoɔ he sɛ, “Nna bi ɔɔba a hobɛpɛ sɛ hohu Nipa Ba he nna he mu baako nso hoonhu.

²³ Na nnipa bɛka akyerɛ ho sɛ, ‘Honhwɛ hɔ,’ anaa ‘Honhwɛ ha!’ Nso honnkɔ na honnni bɛ akyi nso.

²⁴ Na sɛnea anyinam ma ne hann hyerɛn firi soro ase fã bi kɔ soro aseɛ fã foforɔ he, saa ne nipa Ba he bɛyɛ ne nna he mu.

²⁵ Nso nea odi kane he, ɔsɛ sɛ Nipa Ba he hu amaneɛ bebree na nneemmafoɔ po no.

Noa ne Lot nna ho mfatoho

²⁶ Bio nso, sɛnea ɔyɛɛ Noa nna he mu he, saa ne ɔbɛyɛ nipa Ba he nna he nso mu.

²⁷ Bedidiiɛ, nomeeɛ, mmeema warewareeɛ, bɛde mmaa memaa awareɛ, kosii da a Noa kɔhyɛnee adaka he mu na nsuhyiri he ba bɛsɛee bɛ nyinaa he.

²⁸ Saa ne ɔyɛɛ Lot nna he mu, bedidiiɛ, nomeeɛ, bɛtɔeɛ, bɛtɔnooɛ, beduaeɛ, besisii adane.

²⁹ Na da a Lot firii Sodom he, gya ne sɔɔfee tɔ firii soro bɛsɛee bɛ nyinaa.

³⁰ Saa ne ɔbɛyɛ da a bebeyi nipa Ba he adi he.

³¹ “Saa da he, mma nipa a ɔya dane atifi a ne nnoɔma ya fie hɔ he nsi fam mmɛfa, na nipa a ɔya afuom he, mma ɔno nso nsane mmɛfa nnoɔma a ɔya akyi he.

³² Honkaeɛ Lot yerɛ he.

³³ Biaa a ɔhwehwɛ sɛ ɔbɛkora ne kra he, ɔbɛhwere, na biaa a ɔbɛhwere ne kra he benya nkwa.

³⁴ Meeka akyerɛ ho sɛ, saa anadwo he, ɔte sɛ nnipa mmienu da mpa baako so, na bɛafa baako kɔ na bɛagya nea ɔka ne ho he hɔ.

³⁵ Saa ara nso ne sɛ mmaa mmienu ɔɔyam adeɛ ayuyammoɔ korɔ so na bɛafa baako kɔ na bɛagya nea ɔka ne ho he hɔ.”

³⁶ [Ɔte sɛ mmeema mmienu te afuom; na bɛafa baako, na bɛagya baako hɔ.]

³⁷ Nti bebisaa no sɛ, “Awurade, he fa?” Ɔka kyerɛɛ bɛ sɛ, “Nea afunu ya he, hɔ ne pɛtɛ bɛboaboa bɛ ho ano.”