Yuörö 9 - Bibilia Buk na Ŋun nagon koti luŋu a

Tomiet na tomierikin toro ’bo

¹ Nyena a MATAT kulyani ko Mose adi, Lupöni ko Paro yu, taki lepeŋ adi, MATAT Ŋun lo Ebere lo kulya adi, Kölörö Ŋutu kwe, anyen se böŋö tu kitakiŋdya nan.

² Kogwon ko do a renya kölöddu lepeŋat, a do puja nyuŋ gwon i teŋgu na se,

³ mete, a MATAT mo tiŋdi twanti iŋgo lo pömöni i toro ’bo kunok na gwon mu ’diŋ kune, ko i kusanjin, ko i kaineki, ko i kamilo jin, ko i teŋon ti kisuk se ko ti yidin.

⁴ A MATAT mo koruŋdye i kiden na toro ’bo ti Ŋutu ti Yisaraele ko na toro ’bo ti Ŋutu ti Ejipeto, a nene turu ’buti geleŋ na Ŋutu ti Yisaraele mo tine twan kwoŋ.

⁵ A MATAT wuluŋdye diŋit a kulyani adi, Ko ’bure nan MATAT de koŋdya ŋina ŋo i lo jur.

⁶ A MATAT koŋdi sona i ŋilu ko ’bure, a toro ’bo liŋ ti Ŋutu ti Ejipeto iŋge twatwa, ama a toro ’bo ti Ŋutu ti Yisaraele gwe a ko twatwa ma ’di geleŋ to.

⁷ A Paro soŋdi Ŋutu i meddya, a se meddi adi toro ’bo ti Ŋutu ti Yisaraele a ko twatwa ma ’di geleŋ to. Kölumbö a töili lo Paro gwe pömöni, a nye tine kölörö kulo Ŋutu.

Tomiet nagon a köruru

⁸ A MATAT kulyani to Mose ko Arona adi, Yunuŋdye ta kurök i pirit namet na sapya kasu i könisi ko ti Mose rataddi se ki ko Paro i komor.

⁹ A se de worani a ŋutu naliliŋök i jur lo Ejipeto liŋ, a se worani a köruru na pu ’do a ’butöt i Ŋutu ko i toro ’bo i jur lo Ejipeto liŋ.

¹⁰ A se yunuŋdye kurök i pirit namet na sapya, a gwo ’de ko Paro i komor, a Mose rataddi se ki, a se worani a köruru na pu ’do a ’butöt ko Ŋutu i mugunya ko i toro ’bo Köti.

¹¹ A ’bunuk tine bulö gwo ’dan ko Mose i komor kogwon kine köruru, kogwon köruru kune gwe i ’bunuk ko i Ŋutu liŋ ti Ejipeto.

¹² Ama a MATAT togo ’yi töili lo Paro, a nye tine ’bön yiŋga lepeŋat asut; gwoso nagon MATAT aje kulyari ko Mose nu.

Tomiet nagon a torok ti kudu

¹³ A MATAT kulyani ko Mose adi, Ŋine ki kotumalu ’beron, ko gwo ’de ko Paro i komor, kulyani ko lepeŋ adi, MATAT Ŋun lo Ebere lo kulya adi, Kölörö Ŋutu kwe, anyen se tu kitakiŋdya nan.

¹⁴ Kogwon i na diŋit na, nan de soson ŋo kwe liŋ na totomijö konut i töili, ko i kölipönök kulök, ko i Ŋutu kulök; anyen do böŋö deden adi lele ’bayin gwoso nan i kak ’bukuluŋ.

¹⁵ Kogwon suluja i nu diŋit tojo ko soŋinana ko nan ködyö a riöddu könin lio i gwuddyö na do se ko Ŋutu kulök ko twanti iŋgo, a do ködyö aje tukara i na kak;

¹⁶ ama ko ŋina kwe nan aje kolökin do i gwon jörun, anyen kwekiŋdya do riŋit nio, anyen karin kwe böŋö totokuöji i kak ’bukuluŋ.

¹⁷ Do ŋona puja gwon i ’dulukiŋdya na mugun ki i Ŋutu kwe a tine kölöddu se le?

¹⁸ Mete, kotumalu gwoso i na diŋit na, nan de to ’doju torok ti kudu logon ’don ko riŋit a duma parik. Torok ti kudu gwoso kilo ’beron a ko ’don i jur lo Ejipeto suluja i lor lo pipiluri nye lu tojo ko soŋinana.

¹⁹ Nyenagon soŋinana sonyoddi Ŋutu i nyoŋuŋdya na toro ’bo kunök ko ŋo kunök liŋ na gwon mu ’diŋ kunu; kogwon Ŋutu liŋ ko toro ’bo liŋ logon ’bunyöki mu ’diŋ, logon a ko toyitwe i midijik kulo, torok de roja ko lepeŋat loki a se twatwane twatwa.

²⁰ a Ŋutu logon kukujönö kulyaet lo MATAT i kiden na kölipönök ti Paro kulo rurumuŋdye ’dupi kase ko toro ’bo kase i kadijik lukata;

²¹ ama a Ŋutu logon ti yeyeju kulyaet lo MATAT kulo kölökiŋdye ’dupi kase ko toro ’bo kase mu ’diŋ.

²² A MATAT kulyani ko Mose adi, Riörö könin ilot ki yuddya ’dikolo anyen torok ti kudu böŋö ’don i jur liŋ lo Ejipeto, ko i Ŋutu, ko i toro ’bo, ko i ŋo liŋ logon a wilan i jur liŋ lo Ejipeto kulo.

²³ A Mose riöddi ture lonyit ki yuddya ’dikolo; a MATAT sunyuŋdye kipyala ti ki ko torok ti kudu, a kimaŋ na tuluŋdye tojo i kak. A MATAT to ’doji torok ti kudu i jur lo Ejipeto liŋ

²⁴ Nyena a torok ti kudu, ko kimaŋ na meme ’dekta i torok kata na ’do ’done ko riŋit a duma parik. Torok ti kudu gwoso kilo ’beron a ko gwon sona i jur lo Ejipeto liŋ suluja i pipilu nanyit a jur lo Ŋutu.

²⁵ A torok ti kudu gwutö kiŋdye kak ŋo liŋ na gwon mu ’diŋ i jur lo Ejipeto ’bukuluŋ, kode a Ŋutu kode a toro ’bo; a torok ti kudu gwutökiŋdye kak ŋo liŋ lo wilan i melesen, a ’be ’be-leŋgi kaden liŋ ti mu ’diŋ

²⁶ Tuŋ a torok ti kudu gwe ’bayin i jur lo Gosene lo gwoŋdi Ŋutu ti Yisaraele kata lu.

²⁷ A Paro soŋdi kutuk, a luŋgi Mose ko Arona, a kulyani ko lepeŋat adi, Nan a giran i na diŋit; MATAT a lo rigwo, a nan ko Ŋutu kwe iŋge lyaŋan.

²⁸ Momo ’yi ta MATAT, kogwon kilo kipyala ti ki ko torok ti kudu aje jukin; a nan de kölöddi ta, a ta koti tine si ’da ni kwoŋ

²⁹ A Mose kulyani ko lepeŋ adi, ’De ’de ko nan aje lupödöu kaŋo köji kata, a nan de mamanyaddi ko könisi kwe ko MATAT yu; a kipyala ti ki kilo de kö ’yi peja, a torok ti kudu de gwe ’bayin Köti, anyen do deden adi na kak a na MATAT.

³⁰ Ama ko gwe gwoso do se ko kölipönök kulök, nan a den adi ta puja ti kujönö MATAT Ŋun. (

³¹ Waro ko ’bolot saora a korö kogwon ’bolot saora a losim ko waro a turö,

³² ama a ’bolot se ko ’bolot gamö gwe a ko körö kogwon se ’duruŋdyö bot.)

³³ A Mose lupöni kaŋo köji kata ko Paro i komor, a mamanyaddi ko MATAT yu ko könisi kanyit; a kipyala ti ki se ko torok ti kudu kö ’yi kö ’yu, a kudu wase wasan i kak.

³⁴ Ama a Paro ko meddi adi kudu ko torok se ko kipyala ti ki aje kö ’yu nu, a nye lwöŋgi lwöŋgu Köti i toroŋdya, a nye tupö-möni ’ye töili lonyit, nye se ko kolipo-nök kanyit.

³⁵ A töili lo Paro iŋge golon, a nye tine ’bön kölöddu Ŋutu ti Yisaraele kwöŋ; gwoso nagon MATAT aje kulyari ko Mose i kutuk nu.