Yuörö 34 - Bibilia Buk na Ŋun nagon koti luŋu a

Kunie ŋurupö na ’dayatak

¹ A MATAT kulyani ko Mose adi, Tutuŋi ŋurupö na ’dayatak murek gwoso ti kokwe kunu; a nan mo wurökiŋdye i kine ŋurupö kulyaesi lo gwon i ŋurupö ti kokwe nagon do a gwagwalak kunu.

² Ti do gwe ajo ko ’bure, ko kiyuŋdye i mere Sinai ko ’bure kobubut, ko gwo ’de köyö i komor i kwe na mere.

³ Ko ti lele ŋuto gwe ti kiyuŋdya ki ko do i pirit na geleŋ, Köti ti lele ŋuto gwe ti meta i mere ’bukuluŋ; ko Köti ti teŋon ti yidin se ko ti kisuk gwe ti nyesu nyona ko mere.

⁴ A Mose tutuŋi ŋurupö na ’dayatak murek gwoso ti kokwe kunu; a nye ŋine ki ko ’bure kobubut a kiyaddi i mere Sinai, baraddu ŋurupö na ’dayatak murek kune kanyit i könin gwoso na saŋi MATAT lepeŋ nu.

⁵ A MATAT ŋoŋdi kak i luru lukata, a nye gwo ’de ko lepeŋ nyu, a tuŋge karin kanyit ti MATAT kune.

⁶ A MATAT lwöŋöddi kanyit i komor laŋa adi, MATAT, MATAT, lepeŋ a ŋun logon wowon konyen ko a kanyaranit, ’di ’dikö i woran ko a jore ko nyaŋu nagon ti ’duddyö kwöŋ se ko to ’diri.

⁷ Lepeŋ gwon ko nyaŋu nagon ti ’duddyö kwöŋ i Ŋutu aliŋan, lepeŋ pipitökin lyaŋesi ko toronjin na kona aka, se ko toron, lepeŋ kwöŋ ti kulya adi katoronyak ’bak kulya; lepeŋ roropa-kiŋdya lyaŋesi ti komonye i kusik ti ŋwajik kase, ko i kusik ti ŋwajik ti ŋwajik kase, i nyakwariat tomusala ko toiŋwan.

⁸ A Mose rume rum, a roso-kakine kak rupu, a kwakwaddi kwakwaddu.

⁹ A nye kulyani adi, ŋon MATAT, ko ködyö soŋinana nan a ryö ’busan konut i komor, böŋö ti do MATAT moraddi koyi, ma ’di nagon se a Ŋutu logon ko murutö a nawo ’duŋak. Ti do böŋö pitökiŋdye yi i lyaŋesi kaŋ ko i toron nikaŋ, ko wuji yi a Ŋutu kulök lomore.

MATAT a nyoggu tomoret nanyit ko Ŋutu

¹⁰ A MATAT kulyani adi, Mete, nan lo teteŋdya tomoret; kweja adi nan mo kökon kulya sörösi i komor na Ŋutu kulök liŋ gwoso nagon köju a ko kona i Kak ’bukuluŋ kode i lele jur lo Ŋutu; a Ŋutu liŋ logon do gwon kase kiden kulo mo meddi kita nio na MATAT, kogwon na a ŋo tokujönöet nagon nan mo kökonakin do.

¹¹ ’Debbi ta ŋo nagon nan sarakin do lo lor kune. Mete, nan mo ririköro Ŋutu ti Amori, ko ti Kanana, ko ti Kiti, ko ti Periji, ko ti Kiwi, ko ti Yebusi kaŋo kasu ŋerot.

¹² Mete mugun ’bura, an ta ko teteŋdya tomoret ko Ŋutu ti lu jur lo tiri ta kata lu, an gwon kasu a loket;

¹³ ama ta ködyö dukakin kak piritön kase ’yuresi ti rubaŋgajin, a ta gwagwalaggi ka ’de ka ’de ŋurupö kase logon a togwi ’diki ki i kwakwasa kulo, a ta tukukiŋdye kak kaden ti mian kase logon a Asera kulo.

¹⁴ Ta ködyö ti kwakwaddu lele ŋun Köti kwöŋ, kogwon nan MATAT karin kwe a Kayi-nönit, nan a ŋun logon a kayinönit.

¹⁵ An ta ko teteŋdya tomoret ko Ŋutu ti lu jur, kogwon mo gwon sona adi na biryeni se ’börik i ŋunyen kase gwoso Ŋutu kalupök, a ’duŋökiŋdye ŋunyen kase rubaŋgajin nu, a Ŋutu mo luŋgi ta, a ta mo nyesi rubaŋgajin kase,

¹⁶ a ta mo joŋgi ŋwajik kase a wate ti ŋwajik kasu, a ŋwajik kase nawate mo biryeni ’börik i ŋunyen kase gwoso kawutejin a togiraddi ŋwajik kasu i ŋunyen kase.

¹⁷ Ta ködyö ti nitökiŋdyö ’börik punyen asut.

¹⁸ Ta ködyö ’de ’deŋ rorwe lo ambata nagon ’bak kape. Ta ködyö nyesu ambata nagon ’bak kape ko perok buryo i diŋit na wulwe na yapa Abiba gwoso na sarakiŋdye nan ta nu, kogwon i yapa Abiba ta a yuun kaŋo Ejipeto yu.

¹⁹ ŋo liŋ lo paju pelela kilo a kwe, mönikön liŋ ti kisuk ko ti yidin kasu lo paju pelela kulo a kwe.

²⁰ A ta dakun-dye kayu lo kaine ko kilolor, ama ko ta ti ’bön dakuŋdya nye, a ti ta ’beleŋgi murut nanyit. A ta ködyö dakuŋdye kayujin liŋ ti ŋwajik kasu lulyan. Ti lele losu gwe ti ŋo köyö i komor ko könin kana.

²¹ Ta ködyö kita ko perok buker; ama a ta ködyö yuke yukan i lor toburyo; kweja adi i diŋit kurit ko i diŋit peret a ta yuke yukan i lor toburyo.

²² Ta ködyö ’debba rorwe lo jimalan, logon a wapesi ŋeresi ti ’bolot, se ko rorwe ŋeret i ’dutet na kiŋa.

²³ Ŋutu kasu lyan liŋ ködyö ŋoŋo ko MATAT ŊUN lo Yisaraele i komor dapin musala temba i kiŋa.

²⁴ Kogwon nan mo ririkörö jurön kaŋo kasu i komor, a mo tugalaŋgi lokökoritan kasu, a lele ŋuto mo tine be ’ya kak nasu na tiri ta ko MATAT Ŋun losu i komor daŋin musala temba i kiŋa nu.

²⁵ Ta ködyö ti wukiŋdya nan ambata nagon ko kape i pirit na geleŋ ko rubaŋga logon ko rima; Köti ti nene pitönö na rubaŋga lo rorwe lo Pasaka gwe ti möŋdu tojo ko ko ’bure.

²⁶ Ta ködyö joŋdya kinyojin lo pera a kokwe a wapesi ti kak nasu kulo i kadi na MATAT Ŋun losu. Ta ködyö ti deŋa kilolor ko le ti ŋote.

²⁷ A MATAT kulyani ko Mose adi, Wuröki kilo kulyaesi kak; kogwon nan aje teteŋdya tomoret ko do se ko Ŋutu ti Yisaraele ko kulo kulyaesi.

²⁸ A Mose gwe nyu ko MATAT perok merya Iŋwan tuparan ko tukwaje; a nye gwe a ko nyesu kinyo kode möju pioŋ. A nye wuŋe kulyaesi ti tomoret logon a saresi puök kulo i ŋurupö na ’dayatak.

Lulurun na Mose kak i mere

²⁹ A na luluruŋdye Mose kak i mere Sinai baruŋdya ŋurupö murek na ’dayatak nagon a tökoresi kanyit i könin nu, a ko gwe sona na kiyuŋdye lepeŋ kak i mere nu, a Mose tine den adi ’boriköt na komor nanyit kokobbu kogwon tuja-makin nanyit ko Ŋun.

³⁰ a Arona se ko Ŋutu ti Yisaraele liŋ ko meddi Mose adi ’böriköt na komor nanyit kokobbu nu, a se kujönöni kujönö mijun kanyit nyona.

³¹ a Mose luŋgi lepeŋat; a Arona se ko temejik ti momoret yitöni ko lepeŋ yu, a Mose jambi jambu ko lepeŋat.

³² a kirut i mukök a utu ti Yisaraele liŋ miju nyona, a nye tiŋdi se saresi liŋ logon MATAT a sarakin nye i mere Sinai kulu.

³³ A Mose ko tutuŋge jambu ko lepeŋat, a nye rabbi komor nanyit ko boŋgo muket;

³⁴ ama temba i lupö na Mose ko MATAT i komor i jambu ko lepeŋ nu, a nye ’dumaddi rapet na kaŋo tojo nye a luŋwe kaŋo; a i luŋwe nanyit kaŋo, a nye nyönyökökiŋdye Ŋutu ti Yisaraele kulya na saraki lepeŋ kune,

³⁵ a Ŋutu ti Yisaraele memeddi komor na Mose adi ’böriköt na komor nanyit kokobbu; a Mose rarapakiŋdye boŋgo muket na kanyit i komor Köti tojo nye a lupödöu lukata i jambu ko MATAT.