Yuörö 23 - Bibilia Buk na Ŋun nagon koti luŋu a

Gwiligit lo rigwo

¹ Do ködyö ti jambu kulya ’burönö. Do ködyö ti mora-kiŋdya i ŋuto loron anyen gwon a katokoronit lo totogiŋa.

² Do ködyö ti kepödöu lodir lo Ŋutu i koŋdya na ŋo narok; Köti na tokoŋ do kulya i putet nu, an do ko juŋdyö lodir lo Ŋutu i tukwölöŋgu na ’dupet na rigwo.

³ Do ködyö ti nyunyumbö ŋuto lomeri i ’dupökiŋdyö na putet lonyit gwogwo.

⁴ Ko do a torumbö dwöt lo miriku ilot kode kaine nanyit nagon a lyapan, do ködyö nyökökin lepeŋ bot ko monye.

⁵ Ko do a met kaine na ŋuto logon maman do na a ’doro kak ko sopa nanyit na pömöni, an do ko girara a swot, iti i parakiŋdya na lu ŋuto.

⁶ Do ködyö ti tukwölöŋgu i ’duŋgö na putet lo ŋuto losu logon a lomeri.

⁷ Gwe pajo i kulya ’burönö; an do ko tatuja ŋuto lo ’bak kulya se ko ŋuto lo rigwo, kogwon nan mo ti ’duŋgö adi ŋuto loron ’bak kulya.

⁸ Do ködyö ti wuju ’doket na ropaki do a lwön, kogwon ’doket na ropaki a lwön na tomo ’dokeju konyen ti Ŋutu i po nagon se memet kune, a togiŋe putet lo ŋuto lo rigwo.

⁹ Do ködyö ti ru ’ya ŋuto logon a lwakatyo; kogwon ta deden yeyeesi ti töili lo lwakatyo, kogwon ta köju a lwaka i jur lo Ejipeto.

Kulya ti kiŋa toburyo se ko sabata

¹⁰ Kipajin buker do ködyö weja kak inot, a peŋi ludweki kanyit;

¹¹ ama i kiŋa toburyo lonyit a do kölökiŋdye nye i yukan ’bak kuru, anyen lomerika ti Ŋutu kulök böŋö nyesu kata; a kijakwa ti mu ’diŋ nyesi po nagon kilo lomerika a pitun kune. A do ködyö Köti koŋdi sona ko luköbi inot na kaden ti binyo se ko na kaden kulök ti jeitun.

¹² Do ködyö kita perok buker, ama a do ködyö yuke yukan i kita i lor toburyo; anyen dwöt ilot ko kaine inot böŋö wuju yukan, ko anyen ŋuro lo ’dupiet inot ko ŋuto logon a lepetyo böŋö yuyukan.

¹³ Yiŋe ta po liŋ nagon nan sarakin ta kine; ko ’diŋdya ta karin ti kulye punyen, iŋkoi, ti ta gwe ti jambu se.

Roriot musala lo wulwe anyen kökona

¹⁴ Ta ködyö konakiŋdya nan rorwe dapin musala i kiŋa.

¹⁵ Ta ködyö ’de ’deŋ rorwe lo ambata nagon ’bak kape; ta ködyö nyesu ambata nagon ’bak kape ko perok buryo i diŋit na wulwe na yapa Abiba, gwoso na sara-kiŋdye nan ta nu, kogwon ta a yuun kapo Ejipeto yu i pilu yapa. Ti lele losu gwe ti po köyö i komor ko könin kana.

¹⁶ Ta ködyö ’debba rorwe lo ’butun logon a wapesi ti kinyojin ti kokwe logon ta a kitaun lo wekin ta i meleseno kulo. A ta Köti ködyö ’debbi rorwe peret i ’dutet na kiŋa, na peru-ŋdye ta ludweki ti kitajin kasu i meleseno nu.

¹⁷ Ŋutu kasu lyan liŋ ködyö popo ko MATAT Ŋun i komor i kine daŋin musala temba i kiŋa.

¹⁸ Ta ködyö ti wukiŋdya nan ambata nagon ko kape i ŋirit na geleŋ ko rubaŋga logon ko rima. Köti ti lokoriŋ nagon a welesi ti rorwe liŋ gwe ti möŋdu tojo ko ko ’bure.

¹⁹ Ta ködyo joŋdya kinyojin lo pera a kokwe a wapesi ti kak nasu kulo i kadi na MATAT Ŋun losu. Ta ködyö ti deŋa kilolor ko le ti ŋote.

Malaikatat lo MATAT a sonyo i nyömöddu na Ŋutu ti Yisaraele

²⁰ Mete, nan soŋdu malaikatat kasu ŋerot i tiyuddu na ta i kiko, ko i joŋga na ta tojo i nu pirit nagon nan a tetenakin nu.

²¹ Tiki ta swö kasu i yiŋga na kulyaesi kanyit, an ta ko renya ta lepeŋ, kogwon nye mo ti pitokin toronjin kasu na kona aka kine; kogwon karin kwe gwon kanyit.

²² Ama ko ta yiyiŋ kulyaesi kanyit ’bura, a ta koŋdi ŋo liŋ na jam nan kine, nyena a nan mo gwe a miriku lo merok kasu, a pisani ko Ŋutu logon ŋisa ko ta kilo.

²³ Malaikatat liŋ mo tutu kasu ŋerot i tolupödöu na ta i Ŋutu ti Amori, ko ti Kiti, ko ti Periji, ko ti Kanana, ko ti Kiwi, ko ti Yebusi, a nan mo tukaraddi lepeŋat kaŋo.

²⁴ Ta ködyö ti dulaki kak i kwakwaddu na ŋunyen kase, kode kitakiŋdya se, kode koŋdya gwoso i kitajin kase, ama ta ködyö gubakin se liŋ kak, a ta kodyö gwagwalaggi ka ’de ka ’de ŋurupö kase logon a togwi ’diki ki i kwakwasa kulo.

²⁵ Ta ködyö kitakiŋdya MATAT ŋun losu, a nan mo ’boroji kinyo losu se ko pioŋ kasu; a nan mo joŋgi twana kaŋo kasu kiden.

²⁶ Nene ŋuto ködyö ’bayin kasu i jur nagon köruŋdyö ŋuro kaŋo kode gwon a ’baŋ; a nan mo tiŋdi ta i si ’da tojo ko kiŋajin kasu a temakiŋdya.

²⁷ A nan mo soŋdi tokujönöet nio kasu ŋerot, a nan mo köbuŋe Ŋutu liŋ logon ta mo ’durökin kase yu kulu, a nan mo tiŋdi merok kasu liŋ i wöriŋökiŋdyö na ta ki ’dirinö kase.

²⁸ A nan mo soŋdi li ’bi ’biŋön kasu ŋerot logon mo riköddu kaŋo Ŋutu ti Kiwi, ko ti Kanana, ko ti Kiti, kasu ŋerot kulu.

²⁹ Nan mo ti rikörö lepeŋat kaŋo kasu ŋerot i kiŋa geleŋ, an kak ko wora a yöbu, an gwuruŋin ŋdi i koja na ta.

³⁰ Nan mo rikörö se kaŋo kasu i komor madaŋ madaŋ tojo ta a ŋdi a morgi lu jur a losu.

³¹ A nan mo tiŋdi lokökoritan kasu suluja i Tör Nator tojo ko tör na Ŋutu ti Pelesete, Köti suluja i yöbu tojo ko kare Perat; kogwon nan mo pakiŋdya Ŋutu ti lu jur kasu i könisi; a ta mo riköddi se kaŋo kasu i komor.

³² Ta ti teteŋdya tomoret ko kilo Ŋutu kode ko ŋunyen kase kwoŋ.

³³ Ti se gwe ti si ’da kasu i jur, an se ko tiŋdu ta i toroŋdya na nan; kogwon ko ta a kitakiŋdya ŋunyen kase, a kine ŋo ’diri mo lorgi ta.