Yuörö 2 - Bibilia Buk na Ŋun nagon koti luŋu a

¹ A lele ŋuto lo kötumit na Lewi yemuŋdye ŋuto na Lewi.

² a nu ŋuro piŋge pigga, a ta ’duuŋdye ŋuro lulalet; a nye ko meddi adi lu ŋuro a lo ’but kwekwelen, a nye ’de ’yi lepeŋ ko yapala musala.

³ A nagon nye tine bulö ’de ’ya lepeŋ Köti nu, a nye ’dumuŋdye kupö logon tetena ko gwu ’dealo ŋilo ŋuro, a nye liŋdye liŋdyö kolipo komeme; a tiŋdi ŋuro i lukata na kupö, a tiŋdi i pa ’doŋ i lurwö lo Supiri.

⁴ A kiaser nanyit gwo ’de gwo ’dan pajo i meddya ko nyo na konaki lepeŋ.

⁵ A ŋuro na Paro lulurara kare i kwö, a kö ’disi ti ŋina ŋuro kune wöröni nyona ko kijit; a nye ko meddi kupö i pa ’doŋ kata, a soŋdi ’diet nanyit i dogga na ŋilo kupö.

⁶ A nye ko ŋaji a meddi ŋuro; a nye meddi lupudi gwigwien. A nye won konyen ko lepeŋ, a kulyani adi, Lo a lele lo ŋwajik ti Ebere.

⁷ A kirut kiaser ŋilo ŋuro pipije ŋuro na Paro na adi, Ti nan iti i luŋukiŋdya na do na nene na Ŋutu ti Ebere nagon ko tunö-kökiŋdyö do ŋilo lupudi?

⁸ A ŋuro na Paro na waddi lepeŋ adi, Iti koi. A ŋinu ŋuro iti tu a lupundye ŋote ŋilo lupudi.

⁹ A ŋuro na Paro na kulyani ko lepeŋ adi, Joŋgi ŋilo lupudi, ko tunö köki nan lepeŋ, a nan mo robbi do. A na ŋuto joŋgi lo lupudi a tunoggi lepeŋ.

¹⁰ A ŋuro ’duŋe ’duŋö, a nu ŋuto joŋdi lepeŋ ko ŋuro na Paro na ni, a nye gwe a ŋuro lo lepeŋ. A nye gwije lepeŋ a Mose, kulya adi, Kogwon nan a laruuŋdyö nye kaŋo i pioŋ.

Mose a wökön i jur lo Midiyan yu

¹¹ A ko gwe sona i lele lor nagon Mose aje ’duŋö a duma nu, a nye iti ko luŋasirik kanyit yu, a nye meddi lepeŋat i koŋdya na kita na pömöni. A nye meddi Ejipetotyo i gwuddyo na Eberetyo lele lo Ŋutu kanyit.

¹² a nye boboŋgi swötön liŋ, a na meddi nye adi Ŋutu ’bayin nu, a nye tatuje Ejipetotyo lo, a ’delakiŋdye öpu nanyit i sese kata.

¹³ A nye ko iti kaŋo i kotumalu nanyit, a nye meddi Ŋutu murek ti Ebere i mörö ko ’borik; a nye pipije ŋuto lo koŋdya arabat lo adi, Nyö do gwuddyö luŋösur?

¹⁴ A ŋilo ŋuto waddi pija adi, Ŋa lo tiŋdu do a matat ko a ka ’duŋönit lo kulya kaŋ? Do yeyeju tatuja nan gwoso na tatuje do Ejipetotyo nu le? A Mose kujönöni kujönö a kulyani adi, ’Diri kine kulya aje dena.

¹⁵ A na yiŋge Paro kine kulya nu, a nye ga ’yi tatuja Mose. Ama a Mose wöki wökon ko Paro i komor a tu si ’dani i jur lo Midiyan.

¹⁶ A koane lo Midiyan gwe ko ŋwajik nawate buryo. A na si ’dari Mose nyona ko kidi nu, a se poŋdi i ’yiladdu na pioŋ, a töjoreji ta ’doka nagalaŋak anyen teŋon ti yidin ti monye lose kune möju kata.

¹⁷ a kayukuk kulye lo poni, a se ködyö ’deke riköddu kine ŋwajik; ama a Mose ŋiŋe ki a juŋdye se, a nye tumaddi teŋ na yidin kase.

¹⁸ A kine ŋwajik ko poni ko Ruele monye lose ni, a nye pipije se adi, Ko nyo ta po ’beron sona i lo lor?

¹⁹ A se waddi adi, Eberetyo lele a lwökuŋdyö yi ko kayukuk i könisi, a nye koti ’yilakiŋdye yi pioŋ, a tumöji yidin kaŋ.

²⁰ A nye pipije ŋwajik kanyit kune adi, A lepeŋ liya? Nyö ta a kölökin lo ŋuto? Luŋe ta lepeŋ anyen ko nyesu kinyo.

²¹ A Mose ruŋge si ’da ko lu ŋuto, a ŋilo ŋuto tiŋdi Mose Sipora ŋuro nanyit.

²² a ŋina ŋuro ta ’duuŋdye ŋuro lulalet, a Mose gwije lepeŋ a Geresom, kulya adi, Nan a gwon a ŋuto logon a lepetyo i jur lo lepelok.

²³ A ko gwe sona i mukök na perok jore, a mor lo Ejipeto twane twan. A Ŋutu ti Yisaraele wiwinyani wiwinya kogwon kulya ti to ’dupien nase, a se gwine paraki, a gwien nase ’dure ki ko Ŋun yu kogwon kulya ti to ’dupien nase.

²⁴ a Ŋun yiŋge wiwinyesi kase, a Ŋun yiyiuŋdye tomoret nanyit ko Abarayama, ko Yisaka, se ko Yakobo.

²⁵ A Ŋun iŋge met Ŋutu ti Yisaraele, a ŋun iŋge den kulya kase.