Yuörö 14 - Bibilia Buk na Ŋun nagon koti luŋu a

Laŋgu na Tor Nator

¹ A MATAT kulyani ko Mose adi,

² jamaki Ŋutu ti Yisaraele adi ti se yitwene bot anyen ’beggu mera nase i komor na Piakirot, i kiden na Migedola se ko tör na ’balaŋ, i komor na Bala-sepon; kweja adi ta ködyö ’beggu mera nasu komorga lepeŋ diŋö ko tör na ’balaŋ.

³ A Paro mo jambi i kulya ti Ŋutu ti Yisaraele adi, Se a dyadyaŋa i kak, a yöbu iŋge ’dikin se lukata.

⁴ A nan mo togo ’yi töili lo Paro, a nye mo kepoddi but nase, a nan mo te ’yi Paro se ko teŋ na kamörök kanyit liŋ a nan mo ryekiŋdye mugun bulet; a Ŋutu ti Ejipeto mo dene den adi nan logon a MATAT. A Ŋutu ti Yisaraele iŋge koŋdya gwoso na saraki ’e se nu.

⁵ A nagon mor lo Ejipeto ko takine adi Ŋutu kulo aje wökön nu, a Paro se ko köliŋönök kanyit löpuŋge yeyeesi kase i kulya ti kilo Ŋutu, a se totopine adi, Ŋo a nyo nagon yi a kon i kölöddu na Ŋutu ti Yisaraele kaŋo i kitakiŋdya na yi?

⁶ A Paro tetenakiŋdye arabia lonyit lo jijikö ajo, a nye joŋgi Ŋutu kanyit kamörök,

⁷ a nye joŋgi arabiajin lo jijikö lo wulwe kulo miajin buker, ko kulye arabiajin liŋ lo jijikö ti Ejipeto; Ŋutu lo gwon i kilo arabiajin kulo gwon ko dumalak kase liŋ

⁸ A MATAT togo ’yi töili lo Paro mor lo Ejipeto, a nye ’demeji Ŋutu ti Yisaraele na yuöddi se a kaŋajin nu.

⁹ A Ŋutu ti Ejipeto, kweja adi arabiajin liŋ ti Paro lo jikö ko kusanjin, ko kamörök lo wörö ko kusanjin, ko lo wörö ko mok kulo ’demeji se, a ryeji se a ’beggu mera nase nyona ko tör na ’balaŋ, diŋö ko Piakirot, komorga Bala-sepon.

¹⁰ A Paro ko ’dure nyona, a Ŋutu ti Yisaraele ko ’doggi konyen kase ki a meddi Ŋutu ti Ejipeto wöwökun kase i mukök; a se kujönöni kujönö parik. A Ŋutu ti Yisaraele gwiki ko MATAT;

¹¹ a se pipije Mose adi, Do a joŋdya yi kaŋo anyen yi ko twatwa i yöbu kogwon gulömö ’bayin Ejipeto yu le? Ko nyo do a konakiŋdya yi sona i joŋdya na yi kaŋo i Ejipeto yu?

¹² Lo ti gwon a kulyaet logon yi a takin do Ejipeto yu lo adi, Kölöki yi anyen yi kitakiŋdya Ŋutu ti Ejipeto le? Kogwon ködyö a na ’but kayaŋ koyi kitakiŋdya Ŋutu ti Ejipeto lwölwöŋ nagon yi twatwakin i yöbu.

¹³ A Mose kulyani ko Ŋutu kulo adi, Ko kujönö ta, gwo ’de ta go, meddi ta lwökit na MATAT nagon nye de koko-nakin ta i lo lor na; kogwon Ŋutu ti Ejipeto lo met ta i lo lor kilo ta mo tine met se Köti kwöŋ.

¹⁴ MATAT de lo mörö kasu i swöt, a ta de yiŋani taliŋ adi lii.

¹⁵ A MATAT pipije Mose adi, Nyö do gwikin köyö? Taki Ŋutu ti Yisaraele adi, Iti ta ŋerot.

¹⁶ Kölumbö ’doggi ture ilot ki, Riörö könin ilot yuddya tör anyen kokoŋa, anyen Ŋutu ti Yisaraele wöröji i kak nateyon i kiden na tör.

¹⁷ Ama nan ko mugun nio, nan de totŋgo töilyet ti Ŋutu ti Ejipeto, a se de rurutukiŋdye kase i mukök, a nan de wuji bulet na te ’yi nan Paro ko teŋ nanyit na kamörök liŋ, ko arabiajin kanyit lio lo jijikö, se ko kamörök kanyit lio lo ’woro ko kusanjin kulo nu.

¹⁸ A Ŋutu ti Ejipeto de dene den adi nan logon a MATAT, na wuji nan bulet i diŋit na te ’yi nan Paro ko arabiajin kanyit lo jijikö se ko kamörök kanyit lo wörö ko kusanjin kulo nu.

¹⁹ A malaikatat lo ŋun logon wöröji i ŋerot na kurumi na Ŋutu ti Yisaraele lo löpukwene kase i mukök. A bilili lo luru löpukwene kase ŋerot a ko gwo ’de kase i mukök,

²⁰ a gwe i kiden na Ŋutu ti Ejipeto ko na Ŋutu ti Yisaraele. A luru se ko mudwe gwe kata, ama a nye tupararaji tukwaje; a kulye ti ne po nyona ko kulye i tukwaje liŋ.

²¹ A Mose riöddi könin lonyit yuddya tör; a MATAT tiŋdi köbuŋöt lo riŋit lo wukuŋdyö i swöt lo ’yure i tomijoddu na pioŋ bot i tukwaje liŋ, a tiŋdi tör i gwon a kak nateyon, a pioŋ koŋi koŋa.

²² A Ŋutu ti Yisaraele iti i tor kiden i kak nateyon, a pioŋ gwe kase gwoso goroma a tudömö i swöt lo lutaten ko i swöt lo kadoŋe.

²³ A Ŋutu ti Ejipeto kipuŋdye kipuŋdyö, a rurutuki kase i mukök tojo i kiden na tör, kweja adi arabiajin liŋ ti Paro lo jikö ko kusanjin se ko kamörök lo wörö ko kusanjin kulo.

²⁴ a ko gwe sona i baŋun na kak, a MATAT ku ’di ’ye kurumi na Ŋutu ti Ejipeto i lukata na bilili lo kimaŋ ko lo luru, a köbuŋe kurumi na Ejipeto,

²⁵ a nye tiŋdi mokosi ti arabiajin kase i ’debba anyen se wörö go; a Ŋutu ti Ejipeto kulyani adi, Ti yi wöki ta kaŋo ko Ŋutu ti Yisaraele i komor, kogwon MATAT gwon kase i swöt i mörö koyi Ŋutu ti Ejipeto.

²⁶ A MATAT kulyani ko Mose adi, Riörö könin ilot yuddya tör, anyen pioŋ böŋö yitöki bot i mu luja na Ŋutu ti Ejipeto, ko arabiajin kase, se ko kamörök kase lo wörö ko kusanjin kulo.

²⁷ A Mose riöddi könin lonyit yuddya tör, a tör yitökine i ’dokon nanyit gwoso na yeŋ na i waran na kak, a ’bunyökiŋdye Ŋutu ti Ejipeto nyuŋ gwon i wökön. A MATAT nanakiŋdye Ŋutu ti Ejipeto i kiden na tör.

²⁸ A pioŋ yitökine bot, a muluje arabiajin, ko kamörök lo wörö ko kusanjin, ma ’di kurumi liŋ na Ŋutu ti Paro logon a kipuŋdyö se i tör kiden kulo; lele lose geleŋ a ko pituŋdyö kwöŋ.

²⁹ Ama a Ŋutu ti Yisaraele iti i tör kiden i kak nateyon, a pioŋ gwe kase gwoso goroma a tudömö i swöt lo lutaten ko i swöt lo kadoŋe.

³⁰ Nyenagon i ŋilu lor a MATAT lwökuŋdye Ŋutu ti Yisaraele kaŋo ko Ŋutu ti Ejipeto i könisi; a Ŋutu ti Yisaraele meddi Ŋutu ti Ejipeto i kijit na tör aje twatwa.

³¹ A Ŋutu ti Yisaraele iŋge met kita duma nagon MATAT aje konakin Ŋutu ti Ejipeto na, a Ŋutu kujönöni MATAT; a se yubbe MATAT se ko koliŋönit lonyit Mose.