Yosua 4 - Bibilia Buk na Ŋun nagon koti luŋu a

Ŋurupö puök wot murek nagon a ’dumwe Yardene

¹ A ko gwe sona nagon ŋutu lio aje tutuŋgö laŋaddu Yardene ajo nu, a MATAT kulyani ko Yosua adi,

² ’Dumuŋdye ŋutu puök wot murek i kilo ŋutu, Ŋuto geleŋ i kötumit geleŋ,

³ ko saraki se adi, ’Dumuŋdye ta ŋurupö puök wot murek i kiden na Yardene, i piritön na gwo ’di ’e mokosi ti koanejin go kunu, ko baraddi ta se i nu pele, ko gumbe ta se i pirit nagon ta de mönuŋdyö kata i lo tukwaje nu.

⁴ Nyena a Yosua luŋgi ŋutu puök wot murek logon nye aje wulun i kiden na ŋutu ti Yisaraele kulu, ŋuto geleŋ i kötumit geleŋ;

⁵ a Yosua kulyani ko se adi, Laŋaddi ta i ŋerot na saŋduk na MATAT ŋun losu tojo i kiden na Yardene, ko ’dumuŋdye ta ŋurupö ŋutu liŋ geleŋ geleŋŋadi kanyit i gele, gwoso i kenet na kötumitön ti ŋutu ti Yisaraele,

⁶ anyen ŋina mo gwon a kweyet kasu kiden, i diŋit nagon ŋwajik kasu molu pipija ta adi, Kine ŋurupö kweja nyo kasu?

⁷ Nyena a ta mo waddi se adi, Kogwon ’dokon na kare Yardene a goko ko saŋduk na tomoret na MATAT i komor na laŋgi lepeŋ Yardene nu, a kare Yardene iŋge goko. A kine ŋurupö mo gwe a toyeyeet i ŋutu ti Yisaraele ŋupi.

⁸ A ŋutu ti Yisaraele koŋdi gwoso nagon Yosua aje sarakiŋdye se nu, a ’dumuŋdye ŋurupö puök wot murek i kiden na Yardene, gwoso na takiŋdye MATAT Yosua nu, gwoso i kenet na kötumitön ti ŋutu ti Yisaraele; a se baraddi se tojo i nu pele i pirit nagon se mönuŋdyö kata nu, a gumbe se kak nyu.

⁹ A Yosua togwi ’dikiŋdye ŋurupö puök wot murek kune i kiden na Yardene, i pirit na gwo ’di ’e mokosi ti koanejin katokok ti saŋduk na tomoret kulo nu; a se gwe nyu tojo ko lo lor.

¹⁰ Kogwon koanejin ka ’dokök ti nu saŋduk kulu a gwi ’dikin i kiden na Yardene, tojo ko kulya liŋ a tutuŋö nagon MATAT aje saŋi Yosua i takiŋdya na ŋutu kunu, gwoso i liŋna saŋi Mose Yosua kunu. A ŋutu liŋ nyoŋgi nyoŋga i laŋgu;

¹¹ a ko gwe sona nagon ŋutu liŋ aje laŋaddu ajo nu, a saŋduk na MATAT se ko koanejin laŋaddi ko ŋutu liŋöerot.

¹² A nyakwariat ti Rubena, se ko nyakwariat ti Gada, ko swöt lo kötumit na Manase, logon a jupu tito moriesi kulo laŋaddi i nu pele ko ŋutu ti Yisaraele ŋerot, gwoso na takiŋdye Mose se nu;

¹³ a se gwe gwoso ŋutu alipan merya iŋwan logon a jupu tito ti gor a laŋaddi ko MATAT i komor i mörö, tojo i piritön nanye ’delak ti Yeriko.

¹⁴ a MATAT töduma ’yi Yosua ko Yisaraele liŋ i komor i ŋilu lor; a se twöji lepeŋ i perok liŋ ti gwiliŋit nanyit, gwoso nagon se a twöji Mose nu.

¹⁵ A MATAT kulyani ko Yosua adi,

¹⁶ Saŋi koanejin ka ’dokök ti saŋduk na ŋurupö tökoresi kulo anyen se po kalor i Yardene.

¹⁷ Nyenagon a Yosua sara­ kiŋdye koanejin kulo adi, Po ta kalor i Yardene.

¹⁸ A ko gwe sona nagon koanejin ka ’dokök ti saŋduk na tomoret na MATAT kulo aje po kalor i kiden na Yardene, nagon ’dapan ti mokosi ti koanejin aje tanyaki i kak nateyon nu, a piŋo ti kare Yardene yitökine bot kase i pirit, a baranyaddi kalor gwoso na yeŋ na.

¹⁹ A i perok puök ti yapa to geleŋ, a ŋutu liŋ poŋdi kalor Yardene kata, a se mönuŋdye Giligala i lokökorit lo Yeriko i swöt lo ’yure.

²⁰ A Yosua togwi ’dikiŋdye kulu ŋurupö puök wot murek Giligala yu, logon se a ’dumun kalor i Yardene kulu.

²¹ A nye kulyani ko ŋutu ti Yisaraele adi, Ko nyakwariat kasu molu a pija komonye kase adi, Kulu ŋurupö kweja nyo?

²² Nyena a ta mo nyönyökökiŋdye nyakwariat kasu adi, Yisaraele a laŋgu lo Yardene i kak nateyon.

²³ Kogwon MATAT ŋun losu a towere ’yu kare Yardene kasu i komor tojo ko ta aje laŋuŋdya, gwoso na konakiŋdye MATAT ŋun losu Tör Nator nagon nye a towere ’yu kayaŋ i komor nu, tojo koyi aje laŋuŋdya;

²⁴ anyen gweyajin liŋ ti ŋutu ti kak böŋö deden adi könin lo MATAT a iŋgo; anyen se böŋö kukujönö MATAT Ŋun losu ŋupi ŋupi.