Yosua 20 - Bibilia Buk na Ŋun nagon koti luŋu a

Wulwe na köjinö rupisi

¹ A MATAT kulyani ko Yosua adi,

² Taki ŋutu ti Yisaraele adi, Wuluŋdye ta köjinö rupisi nagon nan aje jamakin ta ko Mose i kutuk kunu,

³ anyen katatuanit lo boŋöddu lele ŋuto ’bak denet lo bubulö wökon nyu; a se mo gwe a rupisi kasu i karutyo lo karopanit lo rima.

⁴ A nye mo wöki i nene na kine köjinö, a mo gwo ’de i pirit lupet na kötumit na nu köji, a mo nyönyökökiŋdye kulya kanyit ko temejik ti nu köji, a se mo wuyuddi lepeŋ i köji lukata, a mo tiŋdi lepeŋ pirit, a nye mo si ’dani ko se.

⁵ A ko ködyo karutyo karopanit lo rima a keŋoddu bot nanyit, a se ködyö tine pakin lu katatuanit kanyit i könisi; kogwon nye a tatuja marate lonyit ’dak denet, a nye gwe a ko maŋdu lepeŋ i diŋit na lwöŋgu.

⁶ A nye mo si ’dani i nu köji kata tojo nye aje gwo ’dan i komor na momoret i ’dupöki na putet, tojo ko twan na koane duma lo nu diŋit; a kirut lu katatuanit mo yitöni kanyit i köji, ko kanyit i ’baŋkweja adi i nu köji na wökuŋdye nye köju nu.

⁷ A se geluŋdye Kedese i Galilaya i jur lo Napatali logon a merya, ko Sekeme i jur lo Epuraima logon a merya, ko Kiryat-arba (ŋina a Keberon) i jur lo Yuda logon a merya.

⁸ A i jur lo kötumit na Rubena, a se wuluŋdye Beser na gwon i ko ’du na ’dayat i yöbu, i nu pele na Yardene i swöt lo ’yure lo Yeriko, a se wuluŋdye Ramot na gwon Gilada i jur lo kötumit na Gada, ko Golan na gwon Basan i jur lo kötumit na Manase.

⁹ A kine gwe a köjinö na wulöki ŋutu ti Yisaraele liŋ, se ko lwaka lo si ’da kase kiden kulo, anyen lele ŋuto logon a boŋöddu ŋuto i twan böŋö wökön nyu, an karutyo karopanit lo rima ko tatu nye i ŋerot nagon nye a ko nyuŋ gwo ’dan i komor na momoret. kweja adi i nu köji na wökuŋdye nye köju nu.