Yosua 19 - Bibilia Buk na Ŋun nagon koti luŋu a

Kak na koraki Simeona

¹ A gura tomurek ’duki a na Simeona, a na kötumit na ŋutu ti Simeona, gwoso i midijik kase; a kak nase lomore gwe i kiden na lomore na ŋutu ti Yuda.

² A köjinö na gwon kase i kak lomore kune gwe a ko Ber-seba, ko Seba, ko Molada;

³ ko Kasar-suala, ko Bala, ko Esem;

⁴ ko Eletolada, ko Betula, ko Korma;

⁵ ko Sikelaga, ko Bete-markabot, ko Kasar-susa;

⁶ ko Bete-lebaot, se ko Saruken; kweja adi kine a köjinö puök wot musala se ko turön kase;

⁷ köti a Ain, ko Rimon, ko Eter, se ko Asan; kweja adi kine a köjinö iŋwan se ko turön kase;

⁸ ko turön liŋ lo gwon i mara ti kine köjinö kune tojo ko Balata-ber, ŋina a Rama na gwon i swöt lo loki. Aŋina gwe a lomore na kötumit na ŋutu ti Simeona gwoso i midijik kase.

⁹ A lomore na ŋutu ti Simeona gwe a swöt lo koret na ŋutu ti Yuda; kogwon koret na ŋutu ti Yuda na a nagalaŋ parik kase, nyenagon a ŋutu ti Simeona wuji lomore i kiden na lomore na ŋutu ti Yuda.

Kak na koraki Jebulun

¹⁰ A gura tomusala ’duki a na ŋutu ti Jebulun gwoso i midijik kase. A lokökorit lo lomore nase ’duröki Sarida;

¹¹ a lokökorit lose iti ki i swöt lo tokotyaŋ tojo ko Marala, a ’duröki Dabaset, a ’duröki i golo lo gwon i swot lo ’yure lo Yokeneam;

¹² a nye neŋaddi kaŋo Sarida yu tojo ko swot lo ’yure lo nyeruŋdye kolor lu, a ’duröki i lokökorit lo Kisilot-tabor; a lwöŋöddi i Daberat, a iti ki tojo ko Yapia;

¹³ a nye yeŋgi ŋerot nyu i swöt lo ’yure lo nyeruŋdye kolor tojo ko Gat-eper, ko Eta-kasin, a nye ’duröki Rimon, a yeŋgi tojo ko Nea;

¹⁴ a lokökorit neŋaddi i swöt lo lobot tojo Kanaton; a ’dutökiŋdye i pirit na ’dir na Yipetak-ele;

¹⁵ ko Katat, ko Nalala, ko Simeron, ko Yidala, se ko Beteleme: kweja adi kine köjinö puök wot murek se ko turön kase.

¹⁶ Ŋina a lomore na ŋutu ti Jebulun gwoso i midijik kase, kweja adi kine köjinö se ko turön kase.

Kak na koraki Yisakar

¹⁷ A gura toiŋwan ’duki a na ŋutu ti Yisakar gwoso i midijik kase.

¹⁸ A lokökorit lose gwe a Yejerele, ko Kesulot, ko Sunem;

¹⁹ ko Kaparayim, ko Siyon, ko Anakarat;

²⁰ ko Rabit, ko Kisiyon, ko Ebese;

²¹ ko Remet, ko Ene-ganim, ko Ene-kada, ko Bete-pasesa;

²² a lokökorit ’duröki Tabor, ko Sakesuma, ko Bete-semese; a lokökorit lose ’dutökiŋdye Yardene; kweja adi kine köjinö puök wot buker se ko turön kase.

²³ Ŋina a lomore na kötumit na ŋutu ti Yisakar gwoso i midijik kase, kweja adi kine köjinö se ko turön kase.

Kak na koraki Aser

²⁴ A gura tomukanat ’duki a na kötumit na ŋutu ti Aser gwoso i midijik kase.

²⁵ A lokökorit lose gwe a Kelekat, ko Kali, ko Betan, ko Akesaŋ;

²⁶ ko Alamelek, ko Amada, se ko Misala; a ’duröki Karmela i swöt lo tokotyaŋ, se ko Sikor-libenat;

²⁷ a nye neŋaddi i swot lo nyeruŋdye kolor lu Bete-dagona yu, a ’duröki Jebulun ko i pirit na ’dir na Yipetak-ele, i swöt lo lobot tojo ko Bet-emek se ko Nejele; a iti ŋerot tojo ko Kabula i swöt lo kadoŋe,

²⁸ ko Keberon, ko Rekoba, ko Kamon, ko Kana, tojo ko Sidona duma;

²⁹ a lokökorit neŋaddi Rama, a ’duröki i köji nago na titiyu nagon a Turo; a lokökorit neŋaddi Kosa; a ’ŋutökiŋdye i tör duma na ’balaŋ; koti ko Makalaba, ko Akejiba,

³⁰ ko Uma, ko Apek, se ko Rekoba; kweja adi kine köjinö merya murek wot murek se ko turön kase.

³¹ Ŋina a lomore na kötumit na ŋutu ti Aser gwoso i midijik kase, kweja adi kine köjinö se ko turön kase.

Kak na koraki Napatali

³² A gura tobuker ’duki a na kotumit na ŋutu ti Napatali gwoso i midijik kase.

³³ A lokökorit lose suluje Keleŋ, i mukök na ködini logon a ri lo gwon Sananim yu, se ko Adami-nakebe, ko Yabanele, tojo ko Lakum; a ’dutökiŋdye Yardene;

³⁴ a lokökorit neŋaddi i swot lo tokotyaŋ tojo ko Ajenota-tabor, a Lwoŋoddi nyu tojo Kukök; a ’duröki Jebulun i swot lo loki, se ko Aser i swöt lo tokotyaŋ, ko Yuda i Yardene i swöt lo nyeruŋdye kolor lu.

³⁵ a köjinö nago na titiyu gwe a ko Sidim, ko Sere, ko Kamat, ko Rakat, ko Kineret;

³⁶ ko Adama, ko Rama, ko Kasor;

³⁷ ko Kedese, ko Ederei, ko Ene-kasor;

³⁸ ko Yiron, ko Migedala-ele, ko Korem, ko Bet-anat, ko Bete-semese; kweja adi kine köjinö puök wot buŋwan se ko turön kase.

³⁹ Ŋina a lomore na ŋutu ti Napatali gwoso i midijik kase, kweja adi köjinö se ko turön kase.

Kak na koraki Dan

⁴⁰ A gura toburyo ’duki a na kötumit na ŋutu ti Dan gwoso i midijik kase.

⁴¹ A lokökorit lo lomore nase gwe a Sora, ko Esetaola, ko Ira-semese;

⁴² ko Salabin, ko Ayalon, ko Yitela;

⁴³ ko Elon, ko Timena, ko Ekron;

⁴⁴ ko Eleteka, ko Gibeton, ko Balat;

⁴⁵ ko Yeudu, ko Bene-berak, ko Gata-rimon;

⁴⁶ ko Me-yarkon, ko Rakon, se ko lokökorit logon dipö ko Yaŋo.

⁴⁷ A koret na ŋutu ti Dan gwe a nagusu kase; a lepeŋat iti i mörö ko ŋutu ti Lesem, a ripuŋdye köji nase a tatuje se ko baŋdujin, a morgi köji nase, a si ’dani lukata, a gweŋ Lesem a Dan i karin ti Dan merenye lose.

⁴⁸ Ŋina a lomore na kotumit na ŋutu ti Dan gwoso i midijik kase, kweja adi kine köjinö se ko turön kase. Kak na koraki Yosua

⁴⁹ A nagon se aje tutuŋgö kökora-kiŋdya lu jur i lomoriot nu, a ŋutu ti Yisaraele tiŋdi Yosua ŋuro lo Nun lomore nanyit kase kiden.

⁵⁰ A se tiŋdi lepeŋ köji na piyun nye nu, nagon a Timenat-serak na gwon i jur lo merya ti Epuraima, gwoso na sarakiŋdye MATAT nu; a nye ’duŋge nu köji, a si ’dani nyu.

⁵¹ Kine a lomoriot nagon koane Elejara se ko Yosua ŋuro lo Nun, ko kusik ti midijik ti merenyejin ti kötumitön ti ŋutu ti Yisaraele a kökotakin a lomoriot guba ko guralan ko MATAT i komor Silo yu, i kötumit na kemia torumet. Nyena a se iŋge tutuŋgö kökoroja na lu jur.