Yosua 11 - Bibilia Buk na Ŋun nagon koti luŋu a

Tela na ŋutu Lwaka logon a ti Yabina

¹ A ko gwe sona a Yabina mor lo Kasor ko yiŋge kine kulya, a soŋdi kutuk ko Yobaba mor lo Madon yu, ko mor lo Simeron, ko mor lo Akesaŋ,

² ko i moran lo gwon i swöt lo lobot i jur lo merya, ko i Araba i swöt lo loki lo Kinerot, ko i jur lo gwon i dudu-let, ko i ko ’dulan ti Dor i swöt lo tokotyaŋ,

³ I ŋutu ti Kanana i swöt lo ’yure ko i swöt lo tokotyaŋ, ko i ŋutu ti Amori, ko ti Kiti, ko ti Peŋi, ko ti Yebusi i jur lo merya, se ko i ŋutu ti Kiwi lo gwon i mukök na Eremon i jur lo Misepa.

⁴ A se iti kaŋo se ko teŋon kase liŋ ti kamörök, ŋutu jore gwoso sese na gwon i kijit na tor na ’balaŋ i tojore nase, ko kusanjin ko arabiajin lo jijikö jore parik.

⁵ A kulu moran liŋ pepenuŋdye i pirit na geleŋ; a seŋoki i ’bikikiŋdyö na merajin kase i pirit na geleŋ nyona ko tör na Merom, anyen mörö ko ŋutu ti Yisaraele.

⁶ A MATAT kulyani ko Yosua adi, An do kujönö se; kogwon ko ’bure i na diŋit nan de pakiŋdya se liŋ a lo tatatua ko ŋutu ti Yisaraele i könisi; a do mo ’duŋge ludaŋin ti kusanjin kase, a mo ’yuŋe arabiajin kase lo jirikö.

⁷ Nyena a Yosua se ko ŋutu kanyit lio logon a kamörök kulo ŋoki kase loki a lunya den, nyona ko pioŋ ti Merom, a ’duruki i se.

⁸ A MATAT wukiŋdye se ko ŋutu ti Yisaraele i könisi, a se tatuje lepeŋat, a riköddi lepeŋat tojo ko Sidona Duma, ko tojo Misere ŋot-maim, ko tojo i pirit na ’dir na Misepa i swöt lo ’yure; a se tatuje lepeŋat tojo se a ko kölökin lele lose jörun.

⁹ A Yosua konakiŋdye se gwoso na sarakiŋdye MATAT nye nu; a nye ’duŋge ludaŋin ti kusanjin kase, a ’yuŋe arabiajin kase lo jirikö.

¹⁰ A Yosua yitöni bot i nu diŋit, a mo-ggi Kasor, a tatuje mor lonyit ko baŋdu; kogwon Kasor köju gwon a duma lo kunu tumatyanjin liŋ.

¹¹ A se tatujeŋutu lio lo gwon lukata kulu ko baŋdu-jin, a tukaŋi se asut; a lele gwe a ko kölöki logon jörun, a nye ’yuŋe Kasor ko kimaŋ.

¹² A Yosua morgi köjinö lio ti kulu moran, se ko moran kase lio, a nye tatuje se ko baŋdu, a tukaŋi se asut; gwoso na saŋi Mose köliŋönit lo MATAT nu.

¹³ A ŋutu ti Yisaraele gwe a ko ’yuŋa nene na köjinö nagon gwo ’dan i ko ’dulan kase, ake ’yuŋa Kasor;ŋilo a Yosua lo ’yuŋa nye.

¹⁴ A ŋutu ti Yisaraele ryakuŋdye ŋo liŋ na momo-kwe i kine köjinö se ko toro ’bo a kase; ama a se tatujeŋutu liŋ ko baŋdujin, tojo ko se a tukaŋu lepeŋat, a se gwe a ko kölökin lele jorun.

¹⁵ A Mose saŋi Yosua sona, gwoso na saŋi MATAT Mose köliŋönit lonyit nu, a Yosua koŋdi sona; a nye gwe a ko kölökin nene ŋo nagon a ko kona i liŋ nagon MATAT a saŋi Mose kune.

Yosua a morga jur liŋ

¹⁶ Nyena a Yosua morgi lu jur liŋ logon a merya, se ko swöt lo loki liŋ, ko jur lo Gosene liŋ, ko jur lo i dudulet, ko Araba, ko jur lo Yisaraele logon a merya, ko jur lose köti lo gwon i dudulet;

¹⁷ suluja i mere Kalak logon pupuru i meta i swöt lo Seir, tojo ko Ba-la-gada na gwon i kwake na merya ti Libanon i mukök na mere Eremon. A nye momokuŋdye moran kase liŋ, a te ’yi se, a tatuje se.

¹⁸ A Yosua iŋge mörö ko kulu moran liŋ diŋit a najo.

¹⁹ A nene köji gwe ’bayin nagon a mora ko ŋutu ti Yisaraele, ake ŋutu ti Kiwi logon a ŋutu ti Gibeon; se a ripara liŋ i gor.

²⁰ Kogwon MATAT a togo ’yu töilyet kase, anyen se ködyö ŋokin i mörö ko ŋutu ti Yisaraele, anyen se ködyö tukarara asut, an se ko woŋorikin konyen, ama anyen se tutukara gwoso na saŋi MATAT Mose nu.

²¹ A Yosua lo ’duröki i nu diŋit, a tutuŋge ŋutu ti Anak i merya, ko i Keberon, ko i Debir, ko i Anaba, ko i jur lo Yuda liŋ logon a merya, ko i jur lo Yisaraele liŋ logon a merya; a Yosua tukaŋi se liŋ se ko köjinö kase asut.

²² A lele lo ŋutu ti Anakim gwe a ko pitöki i jur lo ŋutu ti Yisaraele; ama kulye a pituŋdyö Gaja yu, ko Gata, ko Asadoda,

²³ nyena a Yosua morgi jur liŋ, gwoso i liŋ nagon MATAT a jamakin Mose kunu; a Yosua tiŋdi lepeŋ a lomore i ŋutu ti Yisaraele gwoso i koresi ti kötumitön kase. A jur liŋ iŋge yukan i kulya ti gor.