Yisaya 3 - Bibilia Buk na Ŋun nagon koti luŋu a

MATAT a ’duŋgo putet lo ŋutu ti Yuda se ko ti Yerusalema

¹ Kogwon mete, MATAT logon a MATAT lo kurumi jojoŋga kaŋo i Yerusalema ko i Yuda go liŋ nagon ŋutu a tökökin ’börik kata kune, kweja adi kinyo ko pioŋ,

² ko ŋutu walan se ko kamörök, ka ’dugök ti putesi se ko nebijin, ’bunuk se ko ŋutu temejik ti jur,

³ ko dumalak ti kamörök ti ŋutu merya mukanat, ko ŋutu lo bubula, ko kajujuwak, ko ŋutu logon a lokoŋ i koŋdya na to ’bunun, se ko ŋutu logon a diniki i do ’ya ko kwen ti mulökö.

⁴ A nan de tiŋdi ŋwajik i gwon akimak kase, a lupudiet de tutumatyane ko se.

⁵ A ŋutu de torude toru ko ’börik, ŋutu liŋ ko maratejin kase; a ŋuro de bu ’ye mugun ko temejiktyo, a ŋuto lo ’dit de bu ’ye mugun ko lo bubula.

⁶ A ko lele ŋuto a morga luŋaser lonyit ko monye i ’baŋ, a nye kulyani adi Melesen na binyo kweja adi a ŋutu ti ŋun Ti do gwe a matat likaŋ kogwon do ko boŋgo muit, ko ti na murwö gwe könut i saret mukök;

⁷ a i ŋilo lor nye mo jamuŋdye kaŋo adi, Nan ti ’bön gwon a katoruönit; kinyo ’bayin köyö kadi kode boŋgo duma nagon a muit; ta ti bulö tiŋdu nan a matat lo kilo ŋutu.

⁸ Kogwon ŋutu ti Yerusalema ajeköpukö mokosi, a ŋutu ti Yuda ’dorone ’doro; kogwon ŋedepa kase ko konesi kase a merok ti MATAT, a lauŋdye lepeŋ logon meddya se ko konyen lokwekwelen lo.

⁹ Komorsikan kase ka ’du ’duŋak na gökiŋdyö se; se koŋdya toronjin kase kaŋo gwoso ŋutu ti Sodoma, a tine muk se. Wöidiö, ködudwölön kase! kogwon se a jakiŋdya ’börik toron.

¹⁰ Tamakiŋdye ta ŋutu lo rigwo adi kulya kase mo gwon ’bura, kogwon se mo wuju konesi kase.

¹¹ Wöidiö, ŋutu lorok! kulya kase mo gwon a narok, kogwon ropesi ti konesi kase mo roropakise.

¹² ŋwajik gwon a karudak ti ŋutu kwe, a wate tumatyane ko lepeŋat. Ta ŋutu kwe, kanyömök kasu a togiraddu ta, a tukwölöggi kikolin wöriesi kasu.

¹³ A nagon MATAT ŋiki i lilija na kulya nu, a nye gwi ’diki i ’duŋökiŋdyö na ŋutu kanyit.

¹⁴ A MATAT ’duŋge putet lo temejik se ko kimak ti ŋutu kanyit adi, Gwon a ta kilo logon a nyesu melesen na binyo, go na ryakwe i lomerika gwon kasu i kadijik.

¹⁵ Ta yeyeju nyo na mumuyugge ta ŋutu kwe, na rudakiŋdye ta komorsikan ti lomerika gwoso ŋuto najiji jöna? Kilo a kulyaesi ti MATAT Ŋun lo kurumi.

Ŋutu wate ti Yerisalema a ’duŋöki putet

¹⁶ A MATAT kulyani adi, Kogwon ŋutu wate ti Siona gwon a kabulak ti kusik, a se worori muruto ki, ko konyen kase meddya a wuya, wöwörötu ko yöyöliŋtö, a kiki liŋ te kiki liŋ ta i mokosi;

¹⁷ nyena a MATAT mo tiŋdi kusik ti ŋutu wate ti Siona i gwon a limuö, a MATAT mo roŋdi kupir kase ti komorsikan.

¹⁸ A i ŋilo lor a MATAT mo ’dumaddi re kase na kikiliŋta, ko boŋgwat kwaŋ kwaŋ toresi ti kupir, ko re na meta gwoso yapala wilo;

¹⁹ ko minyojin lo leleki i swo, ko re ti konisi, ko boŋgwat na dukuki i muruto;

²⁰ ko moroilijin ti kusik, ko re ti kidiŋ, ko goman, ko saŋdukon ti riya, se ko go lo toraki i mugun a tegesi ti go narok;

²¹ ko katiman ti morin ko ti kumesikon;

²² ko jupisi ti rorwe, ko boŋgwat dumalak nagon a muisi, se ko rapesi, ko jurakan ti konisi;

²³ ko maŋöarajin, se ko boŋgwat nagon a waratat, ko dokesi ti kusik, ko boŋgwat mukesi ti kusik.

²⁴ A mo gwe sona adi, riya mo ruta ko ’buron; a gom mo rutani ko pata; a kupir lo tataka mo rutani ko kwe limu; a boŋgo nakwekwelen mo rutani ko terekesi na, pipitaki; a kwelen mo rutani ko nya ’dotesi ti kimaŋ.

²⁵ A ŋutu lyan kasu mo totokoni kak ko baŋdujin, se ko ŋutu walan kasu i diŋit na gor.

²⁶ A köturnitöp ti köji na Siona mo wanyani wanya ko dedelya; a nu köji mo gwe gwoso ŋuto nagon a su ’duki kak.