Suluet 9 - Bibilia Buk na Ŋun nagon koti luŋu a

Ŋun a teteŋdya tomoret ko Noa

¹ A Ŋun ’boroji Noa se ko ŋwajik kanyit, a kulyani ko se adi, Yuŋweni ta yuŋwe, ko ŋdine ta ŋdi, ko jorene ta i kak.

² a kijakwa liŋ ti kak na gwon mu ’diŋ, ko kwen ti ki, ko ŋo liŋ logon wögwöŋtu kak, ko somot liŋ ti törön mo kujönöni ta, a mo roŋoni roŋo; nan titin se kasu i könisi.

³ A ŋo liŋ lo gwon jörun lo wöwörötu kulo mo gwe a kinyo losu. Nan titin ta ŋo liŋ gwoso na tiŋdi nan ta ŋo lorem lo punun kak nu.

⁴ Ama ta ti nyesu lokore ko ru nanyit i pirit na geleŋ kweja adi nagon ko rima.

⁵ ’Diri nan mo pipi rima nagon a ru nasu; nan mo pipi se i kutusen ti gwuruŋin liŋ ko i könisi ti Ŋutu. lŋkoi, nan mo pipi ru na Ŋutu i könisi ti luŋasirik kase.

⁶ Ko ŋa lo ’bukuŋdyö rima ti ŋuto, a rima kanyit Köti mo ’bukwene ko ŋuto; kogwon Ŋun a gweja ŋtito a gwuluet nanyit.

⁷ Ama ta, yuŋweni ta yuŋwe, ko ŋdine ta ŋdi, yuŋweni ta jore parik i kak, ko Ŋöine ta ŋdi i lukata nanyit.

⁸ A Ŋun kulyani ko Noa se ko ŋwajik kanyit i pirit na geleŋ adi,

⁹ Meddi ta, nan lepeŋ lo tetenakiŋdya ta tomoret nio nagon gwo ’dan go, ta se ko nyakwariat kasu logon mo popo kasu i mukök kilo,

¹⁰ ko i ŋo liŋ lo gwon jörun logon gwon ko ta kilo, kweja adi kwen, ko toro ’bo, ko kijakwa liŋ ti mu ’diŋ na gwon ko ta kak ni kine, iŋkoi, ŋo liŋ logon lupuŋdyö kaŋo i ki ’bo kata kilo.

¹¹ Nan teteŋdya tomoret nio ko ta adi bar mo koti ti tögirökin ŋo liŋ lo gwon jörun asut, iŋkoi, a bar mo Köti tine tukaŋu kak asut.

¹² a Ŋun kulyani adi, Na a kweyet na to moret nagon nan teten i kiden nikaŋ ko ta ko ŋo liŋ lo gwon jörun lo gwon ko ta kilo, tojo ko nyakwariat liŋ ti molu.

¹³ Nan titin görigöri liŋ i ’diko, a nye de gwe a kweyet na tomoret i kiden nikao ko kak.

¹⁴ A mo gwe sona na muŋge nan ki ko ’dikolo nu, a görigöri mo metani i ’dikolo,

¹⁵ a nan mo yiyiuŋdye tomoret nio na gwon i kiden nikao ko ta, ko na ŋo liŋ lo gwon jörun ti gweyarijin liŋ kulo; a karya mo tine baraŋdu Köti kwöŋ i tukaŋu na ŋo liŋ lo gwon jörun kilo.

¹⁶ A görigöri mo gwe nyu i ’dikolo, a nan mo meddi nye anyen nan böŋö yiyiuŋdyö tomoret na yeŋ nyin i kiden nio na Ŋun ko na ŋo liŋ lo gwon jörun ti gweyarijin liŋ lo gwon i kak ni kulo.

¹⁷ A Ŋun kulyani ko Noa adi, Na a kweyet na tomoret nagon nan a tetenakin anyen gwo ’dan go i kiden nikao ko na ŋo liŋ lo gwon jörun i kak ni kulo

Noa ko ŋwajik kanyit

¹⁸ A ŋwajik ti Noa logon a lupe kaŋo i ki ’bo kata kulo gwe a ko Seme, ko Ama, ko Yapete. A Ama gwe a monye lo Kanana.

¹⁹ Sekilo ŋwajik musala ti Noa; a Ŋutu ti kak liŋ pipi luŋdye i kilo Ŋutu.

²⁰ A Noa gwe a kakurunit lo kak, a lepeŋ gwe a lokökwe i ’yuddu na luköbi na kaden ti binyo.

²¹ a lepeŋ möji binyo, a mere meran, a lepeŋ gwe a limu kana kanyit i kemia lukata.

²² a Ama monye Kanana ko meddi mugun na monye lonyit gwon a limu kana, a nye takiŋdye luŋasirik kanyit murek lo gwon kaŋo kulu.

²³ Nyenagon a Seme ko Yapete ’dumuŋdye boŋgo, a peta kiŋdye nye kase i ki ’dirinö, a kukutörö a loki ’diŋ, a muŋge mugun na monye lose nagon a limu kana na; a komorsikan kase boŋaddi mu ’diŋ, an se ko meddya mugun na monye lose i gwon a limu kana.

²⁴ A kirut Noa ko purwene i ŋina meran nanyit, a nye iŋge den ŋo nagon ŋuro lonyit loponi a konakin nye na,

²⁵ a nye kulyani adi, Ti Kanana senyani senya; nye mo gwon a ’dupiet lo ’dupi i luŋasirik kanyit.

²⁶ A nye Köti kulyani adi, Ti MATAT Ŋun lo Seme purani ŋura; ko ti Kanana gwe a ’dupiet lonyit.

²⁷ Ti Ŋun tugalape tugalaŋ Yapete, ko ti lepeŋ gwolore i kemialan ti Seme, ko ti Kanana gwe a ’dupiet lonyit.

²⁸ A i mukök na bar, a Noa iŋge gwolor ko kulye kiŋajin miajin musala ko merya mukanat.

²⁹ Nyena a Noa iŋge gwolor ko kiŋajin miajin buŋwan ko merya mukanat; a kirut a nye twane twan.