Suluet 4 - Bibilia Buk na Ŋun nagon koti luŋu a

Kaina ko Ebele

¹ Nyena a Adama mori ko Awa nakwan nanyit, a nye piŋge pigga, a ta ’duuŋdye Kaina, ba nye kulyani adi, Nan a ryö ŋuto i paret na MATAT.

² A nye Köti ta ’duuŋdye luŋaser lonyit. karin kanyit a Ebele. A Ebele gwe a kayukunit lo yidin, a Kaina gwe a kakurunit.

³ Nyena a i nene diŋit a Kaina joŋdi kulye ludweki ti kak logon ’dokarikin MATAT.

⁴ a Ebele Köti joŋdi kulye kayujin ti teŋ na yidin kanyit se ko lokoriŋ kase nagon a welesi. A MATAT meddi Ebele ko lyoŋon i ŋo nagon nye a ’doggi kune,

⁵ ama a nye gwe a ko lyörigi Kaina i ’dokesi kanyit. Nyena a Kaina wore woran a tömönik, a komor nanyit gwe a nagusu.

⁶ A MATAT pipije Kaina adi, Nyö do woworan? Nyö komor inot gwon a nagusu?

⁷ Ko do koŋdya ’bura a nan tine ruk do le? ama ko do ti koŋdya ’bura, toron rurupuki kak i kotumit. Lepeŋ ’de ’dekan do, ama do agu ködyö tete lepeŋ.

⁸ A Kaina jambi ko Ebele luŋaser lonyit adi, Ti yi iti mu ’diŋ. A nagon se gwe mu ’diŋ nu, a Kaina ŋiki i mörö ko Ebele luŋaser lonyit a tatuje lepeŋ.

⁹ A MATAT pipije Kaina adi, Liya Ebele luŋösur? A nye waddi adi, Dya koi. Nan yeŋ a katiyunit lo luŋaser liŋ le?

¹⁰ A MATAT pipije adi, Do a koŋdya nyo? Rima ti luŋösur kak yu mamanyuŋdya köyö ni.

¹¹ Nyena sopinana do aje senya i kak na kukuru na, nagon a ŋaju kutuk i wuju na rima ti luŋösur konut i könin kune.

¹² Na kuŋi do kak na, a nye mo tine radakindya do lu dweki, a do mo wöki kaŋo ko Ŋutu i komora mo gwe ’bak pirit si ’daet i kak ni.

¹³ A Kaina kulyani ko MATAT adi, Do a riŋga nan parik, nan ti jukin ŋoŋga.

¹⁴ Mete, i lo lor do a riköddu nan kaŋo i na kak; a nan de ’danani ’dana konut i komor, a nan ködyö wöki kaŋo ko Ŋutu i komor a gwe ’bak pirit si ’daet i na kak, nyena ko ŋa lo ryeŋdu nan a mo tatuje nan.

¹⁵ Nyena a MATAT waddi lepeŋ adi, Ko sona, koŋuto logon a tatuja Kaina lo mo rorö paki gwoso daŋin buryo. A MATAT tiŋdi Kaina kweyet, an ŋuto lo ryeŋdu nye lo ko tatuja lepeŋ.

¹⁶ A Kainaŋiörö kapo ko MATAT i komor, a tu gwolore i jur lo Noda i swöt lo ’yure lo Edene. Nyakwariat ti Kaina

¹⁷ A Kaina mori ko narakwan nanyit, a nye piŋge pigga, a ta ’duuŋdye Enoka; a nye ’duŋge köji, a gwije lepeŋ ko karin ti ŋuro lonyit Enoka.

¹⁸ A Irada yu nwekine Enoka; a Irada yupundye Mekuyaele, a Mekuyaele yuŋuŋdye Metusaele, a Metusaele yuŋuŋdye Lamek.

¹⁹ A Lamek yemakiŋdye mugun wate murek; karin ti nene a Ada, a ti nene na gwe a Jila.

²⁰ A Ada yupundye Yabala; ŋilo Yabala a merenye lo Ŋutu lo si ’da i kemialan a gwe ko toro ’bo.

²¹ A karin ti luŋaser lonyit gwe a Yubala; lepeŋ a merenye lo Ŋutu lo ju ’yö tomon se ko lo kuddya kili ’bajin.

²² A Jila Köti yuŋuŋdye Tubalakaina; lepeŋ a kanitönit lo tito ti mölwö ko ti witiöt liŋ; a karin ti kiaser Tubalakaina gwe a Naama.

²³ A Lamek kulyani kowate kanyi tadi, Do Ada ko do Jila, yiŋge ta gworo liŋ;ta wate kwe ti Lamek, yiŋge ta kulya nagon nan jajam kine adi, Nan a tatuja ŋuto lo böŋöddu nan, iŋkoi, nan a leŋga ŋuro titinti lo gwuddyö nan lo.

²⁴ A ko Kaina mo roröpaki daŋin buryo, ŋkoi, nan Lamek ködyö roröpaki daŋin merya buryo wot buryo.Nyakwariat ti Sete

²⁵ A Adama mori ko nakwan nanyit Köti; a nye ta ’duuŋdye ŋuro, a gwije lepeŋ a Sete, ’kulya adi, ŋun a ’dogga nan ko lele ŋuro ko Ebele i pirit, kogwon Kaina a tatu lepeŋ.

²⁶ a Sete Köti yuŋwekine ŋuro, a nye gwije lepeŋ a Enosa. A i ŋinu diŋit a Ŋutu suluje luluŋgu karin ti MATAT.