Suluet 34 - Bibilia Buk na Ŋun nagon koti luŋu a

Ŋwajik ti Yakobo a robba körö na kiaser nase

¹ A Dina ŋuro na Lea na yuŋwekin lepeŋ Yakobo na, iti i ’yö ’yu na Ŋutu wate ti ŋilu jur kunu;

² a Sekeme ŋuro lo matat lo lu jur logon a Amor lo kötumit na Kiwi, ko meddi nu ŋuro, a mokaddi lepeŋ, a dotoni ko lepeŋ, a toyuje kwe nanyit.

³ A töili lonyit ’depakiŋdye ko Dina ŋuro na Yakobo, a nye nyaŋi nu ŋuro, a jambi ko lepeŋ ko kulyaesi lo ’but.

⁴ A Sekeme kulyani ko monye lonyit Amor adi, Toyemaki nan ŋina ŋuro.

⁵ A kudyakan Yakobo aje yiŋ adi Sekeme aje kör Dina ŋuro nanyit; ama ŋwajik kanyit kulo nyuŋ gwon mu ’diŋ ko toro ’bo kanyit kune, nyena a Yakobo yiŋani taliŋ tojo ko po nase.

⁶ A Amor monye Sekeme lupene kaŋo a poŋdi ko Yakobo ni i jambu ko lepeŋ.

⁷ A ŋwajik ti Yakobo ko yiŋge kine kulya, a se yitwene mede mu ’diŋ yu; a kilo teton gwe ko delya, a iŋge woran a tömönik, kogwon Sekeme a koŋdya ŋo na rurwan ko Yisaraele kiden i doto ko ŋuro na Yakobo, kogwon na a ŋo nagon ti jukin i kona.

⁸ Ama a Amor tujamaki ko se adi, Töili lo ŋuro lio Sekeme gwon ko pusök ko ŋuro nasu; böŋö nan mo ’yu ta, tiki ta nye lepeŋ a narakwan nanyit.

⁹ Teteŋdi ta toyem nikaŋ ko ta; rukökiŋdye ta yi ŋwajik kasu, ko yemaddi ta ŋwajik kaŋ.

¹⁰ A ta mo si ’dani koyi i pirit na geleŋ; a lo jur mo tine tiŋiki ta; a ta si ’dani kata, a ta dödöji kata, a ta ryeji tukwörien kata.

¹¹ A Sekeme Köti kulyani ko monye ŋuro se ko luŋasirik ti ŋuro kulo adi, Ko ta a met adi a na ’but nan mo titikin ta ŋo liŋ nagon ta a tukökin nan kune.

¹² Luŋgi ta köyö toro ’bo yemesi ko kukuesi ko mukunen, a nan mo tiŋdi gwoso nagon ta a tukökiŋdye nan na; ama tuŋ tiŋdi ta nan ŋina ŋuro a narakwan nio.

¹³ A ŋwajik ti Yakobo waddi Sekeme ko Amor monye lonyit i kiko mumuluket, kogwon nye a köŋu Dina kiaser nase.

¹⁴ A se kulyani ko lepeŋat adi, Yi ti bulö koŋdya na ŋo i tiŋdu na kiaser nikaŋ i ŋuto logon a ko tawero, kogwon ŋina gwon kayaŋ a yu na kwe.

¹⁵ Ko na kwe geleŋ yi bubulö rukökiŋdyö ta, kweja adi ta ködyö gwon gwoso yi, lunsak kasu liŋ ködyö tatawero.

¹⁶ A kirut yi mo rukökiŋdye ta i yemba na ŋwajik kaŋ, a yi mo yemuŋdye ŋwajik kasu, a yi mo gwolore ko ta i pirit na geleŋ, a yi mo gwe a kötumit geleŋ.

¹⁷ Ama ko ta ti yiŋ yi anyen ta tatawero, a kirut yi mo joŋgi ŋuro nikaŋ, a yi mo ŋiörö ŋiörö.

¹⁸ A Amor se ko Sekeme ŋuro lonyit iŋge lyöŋön ko kulya na jam se kune.

¹⁹ Nyenagon a ŋuro titinti tine ’diko i koŋdya na ŋina ŋo, kogwon nye gwon ko pusök ko ŋuro na Yakobo. Lo ŋuro bubula totoŋun kotumit na monye liŋ.

²⁰ Nyena a Amor ko ŋuro lonyit Sekeme ko poŋdi i kötumit na köji nase, a kulyani ko Ŋutu lyan ti köji nase kulo adi,

²¹ Kulu Ŋutu a lo ’but koyi; ti lepeŋat si ’dani i lo jur a dödöji kata ni, kogwon jur a luŋalaŋ jujukin lepeŋat; ti yi yemuŋdye ŋwajik kase, ko ti yi rukökiŋdye se i yemba na ŋwajik kaŋ.

²² Tuŋ ko na kwe geleŋ kilo Ŋutu a ruk gwolor koyi, anyen gwon a kötumit geleŋ; kweja adi ti Ŋutu kaŋ lunsak geleŋ taweroni tawero gwoso nagon se a tawero nu.

²³ Koyi a koŋdya sona, a kisuk kase, ko tito kase, ko toro ’bo kase mo gwe a kaŋ, ti gwon sona le? Tuŋ ti yi ruŋge se, a se mo gwolore koyi.

²⁴ a Ŋutu liŋ lo momoruŋdya i kötumit na köji nase kulo yiŋge kulyaesi ti Amor se ko ŋuro lonyit Sekeme; a kilo Ŋutu lio logon a momoruŋdya i kötumit na köji nase kulo taweroni tawero.

²⁵ A i mukök na perok musala, nagon se nyuŋ ŋoŋoŋga nu, a ŋwajik murek ti Yakobo logon a ko Simeona ko Lewi, logon a luŋasirik ti Dina kulo ’dumuŋdye baŋdujin kase, a se poŋdi köji a Iwon, a se tatuje kulu lunsak liŋ.

²⁶ Se a tatuja Amor ko ŋuro lonyit Sekeme ko baŋdujin, a joŋgi Dina kaŋo ko Sekeme kadi, a iti tu.

²⁷ a ŋwajik ti Yakobo ’dure i Ŋutu lo tatua kulo, a ryaggi ŋinu köji, kogwon kiaser nase aje korö,

²⁸ a se ’dumaddi teŋon ti yidin ko ti kisuk, ko kaineki ti kilu Ŋutu, ko ŋo liŋ na gwon i lukata na köji se ko na gwon mu ’dio kune;

²⁹ a se momokaddi toro ’bo ti kilu Ŋutu liŋ, ko lupudiet liŋ ko wate ti kilu Ŋutu, ko ŋo lio na gwon kase i kadijik kune a ryakat.

³⁰ a Yakobo kulyani ko Simeona ko Lewi adi, Ta aje jakiŋdya nan ŋo naron, ta aje tiŋdu nan i mon a loron i kiden na Ŋutu ti lo jur, kweja adi i kiden na Ŋutu ti Kanana ko ti Periji; Ŋutu kwe ku ’dik, a ko kulo Ŋutu a momoruŋdya i mörö ko nan, a nan se ko kotumit nio mo tukarani tukara.

³¹ Ama a se ŋeddi adi, Ti nye kodyö koŋdi kiaser nikao gwoso kawute le?