Suluet 2 - Bibilia Buk na Ŋun nagon koti luŋu a

¹ Nyena a ki ko kak se ko Ŋo liŋ lo gwon i lukata nase kulo iŋge tutupöki sona.

² A i lor toburyo a Ŋun kirut tutuŋge kitajin kanyit liŋ nagon nye a kon kune, a nye yuke yukan i lor toburyo i kitajin kanyit liŋ nagon nye a kon kune.

³ A Ŋun ’boroji lor toburyo a geluŋdye nye a loke, kogwon i pilu lor nye aje gwo ’dan i kitajin kanyit liŋ nagon nye Ŋun a gwe ko a kon kune.

⁴ Kine a pipilisi ti ki ko ti kak na gweyari se nu. I ŋilu lor logon MATAT Ŋun a gweja ko kak ko ki lu,

⁵ kaden liŋ ti yöbu nyuŋ ’bayin i kak, a ŋo liŋ lorem lo punun kak kilo nyuŋ ’bak a ko punun ki; kogwon MATAT Ŋun nyuŋ ’bak to ’doju kudu i kak, a lele ŋuto gwe ’bayin lo kuŋu kak;

⁶ ama a luru ŋiyu kaŋo i kak, a towindye kak ’bukuluŋ.

⁷ A MATAT Ŋun gweyuŋdye ŋuto i lipo na kak, a yukakiŋdye lepeŋ köbuŋöt lo ru kanyit i kume; aŋuto worani a ŋolo gwon jörun.

Melesen na Edene

⁸ A MATAT Ŋun ’yuddi melesen i swöt lo ’yure Edene yu; a tiŋdi ŋuto logon nye a gwe lo nyu.

⁹ A MATAT Ŋun topunuŋdye i kujöŋ kata kaden liŋ logon kwekwelen i meta logon ludweki kase a lo ’but i nyei, ko ködini toruet Köti i kiden na nu melesen, ko ködini denet lo kulya na ’but ko narok.

¹⁰ A kare ’bukuŋdye kaŋo Edene kata i towindya na melesen; a nye koŋi koŋa i nu pirit a gwe a karya Iŋwan.

¹¹ Karin ti kare togeleŋ lo a Pison; lepeŋ a nye logon ’dokon lorga jur lo Kawila ’bukuluŋ. Ŋilu jur gwon ko dakap;

¹² a dakap ti ŋilu jur gwe a na ’but; a bedölak se ko ŋurupö nakwe kwelen nagon a berilo gwe nyu.

¹³ A karin ti kare tomurek lo gwe a Gikon; lepeŋ a nye logon ’dokon lorga jur lo Etiopia ’bukuluŋ.

¹⁴ A karin ti kare tomusala lo gwe a Tigiri; lepeŋ a nye logon ’dokon Asura i swöt lo ’yure nanyit. A kare töipwan lo gwe a Perat.

¹⁵ A MATAT Ŋun ’dumuŋdye lu ŋuto, a tiŋdi lepeŋ i melesen na Edene i kuŋu na lepeŋ ko i tiju na lepeŋ.

¹⁶ A MATAT Ŋun sarakiŋdye lu ŋuto adi, Do bubulö nyesu ludweki ti kaden liŋ ti melesen abur,

¹⁷ ama ködini denet lo kulya na ’but ko narok do ti nyesu ludweki kanyit kwöŋ. Kogwon i pilu lor logon do mo nyesi ludweki kanyit lu, do ’diri mo twatwan.

¹⁸ A MATAT Ŋun kulyani adi, Ti gwon a na ’but ko lu ŋuto gwon geleŋ; nan de tetenakiŋdya lepeŋ kaparanit nagon jujukin lepeŋ.

¹⁹ Nyena a MATAT Ŋun gweyuŋdye kaŋo i lipo kijakwa liŋ ti mu ’diŋ, ko kwen liŋ ti ki, a joŋgi se ko lu ŋuto yu i meta ko nye ködyö gwijö se a ko ŋa; nyena ko lu ŋuto a gwijö lele ŋo lo gwon jörun a ŋa, a kine gwe a karin kanyit.

²⁰ a lu ŋuto gwije toro ’bo liŋ ko karin, ko kwen liŋ ti ki, ko kijakwa liŋ ti mu ’diŋ; ama i kulya ti lu ŋuto, kaparanit a ko nyuŋ ryeki lepeŋ nagon jujukin nye.

²¹ Nyena a MATAT Ŋun tiŋdi lu ŋuto i doto parik adi mwön, a na dotori nye nu, a nye ’dumuŋdye lele merete lo ŋilu ŋuto, a nyökökiŋdye lokore i pirit.

²² A MATAT Ŋun joŋgi ŋilo merete logon nye a ’dumun ko lu ŋuto lu a nye teteŋdi a ŋuto nakwan, a joŋgi ko lu ŋuto yu.

²³ A kirut lu ŋuto kulyani adi, Na soŋinana i ’dutet gwe a kuyutyo lo kuyu kwe, ko a swöt lo mugun nio; a nye de lupuni a Nakwan, kogwon nye ’dumwe kaŋo ko Lalet.

²⁴ Nyenagon a ŋuto lalet mo kö ’yi monye ko ŋote, a mo mori ko narakwan nanyit, a se mo gwe a mugun geleŋ.

²⁵ A se murek liŋ ko lalet ko nakwan mugunya kase gwe a limuö kana, a kusik kase tine yu.