Saumajin 88 - Bibilia Buk na Ŋun nagon koti luŋu a

Ŋuto gwi paraki

¹ Pon MATAT Ŋun kalwökönit nan a gwien konut i komor ko tuparan ko tukwaje.

² Ti momolesi kwe ’dure konut i komor, tindi swö i yiŋga na gwien nio!

³ Kogwon nan gwon ko delyaesi jore, ru nio gwe nyona ko ’duddyö anyen tu kak i pirik na mulökö.

⁴ Nan a lele lose logon gwe nyona ko twan; nan a ŋuto logon ’bak riŋit.

⁵ Nan meta gwoso aje twan, gwoso ŋutu logon a tatua i gor logon ’delaki i gulömö, logon do ti yeyeju se koti kulo, kogwon se a ’duŋöji kaŋo konut i könin.

⁶ Do aje ’delakin nan i dili nagulu, i piritön nagon a mudwe, nagon ’bak ’dutet.

⁷ Woran inot köyö a duma parik, a iŋge muluja nan gwoso yalajin.

⁸ Do aje tindu julin kwe i wusaddu ŋajo köyö; do a tindu nan i gwon a ŋo lo mamana logon se ti ’bön lo. Nan a kiniki lukata a nan tine bulö luŋe kaŋo.

⁹ Konyen kwe muswe kogwon kulya ti delya. Perok liŋ nan luluŋgu do ŋon MATAT, nan mamanyaddu ko könisi kwe konut yu!

¹⁰ Do ŋona kokonakindya lo twatwa ŋo sörösi? Mulökö ŋona ŋiŋien ki i ŋuŋuŋa na do?

¹¹ Kulya ti nyaŋu inot nagon ti ’duddyö na ŋonajajama i gulöm? Kulya kunök ti to ’diri ŋonajajama i ŋirit na luŋu a Tukaret nu?

¹² Ŋo sörösi kunök ŋona a meta i ŋirit nagon a mudwe? Ŋaret lwökit inot ŋona memeta i jur lo böböŋörikin lu?

¹³ Ama nan gwikin konut ŋon MATAT; nan momo ’yu do i diŋit na ko ’bure.

¹⁴ Pon MATAT, kwe a nyo nagon do ŋaju nan? Kwe a nyo nagon do a ’de ’ya komor inot ko nan?

¹⁵ Suluja i toteton nio nan a yöyöŋö a nan gwe nyona ko twan, nan ŋoŋoŋga ŋo kunök na totoku-jöndu kune; nan a doddya.

¹⁶ Woran inot na pape a muluja nan; do a mörö ko nan ga ’yu tatuja nan.

¹⁷ Tuparani liŋ do gögömökin nan kiden gwoso pioŋ; do a tumakin nan i swötön liŋ.

¹⁸ Do aje tindu kanyarak kwe ko julin kwe i wusaddu ŋajo köyö; nan si ’da i mudwe ’bak ŋutu logon yi todene toden kilo.