Saumajin 8 - Bibilia Buk na Ŋun nagon koti luŋu a

Ŋun lo minyo a tindu ŋuto Iŋguya

¹ Pon MATAT, do a MATAT likaŋ, karin kunök lwölwöŋgu parik i na kak liŋ! Do logon a tindu minyo ilot i ŋerot na ’dikolo,

² ŋwajik lo ’di ’dik ko luŋudiet lo nönöggu ŋuŋuŋa minyo ilot ko kutusen kase. Do a togwi ’dikindya riŋit kogwon kulya ti merok kulök, anyen do tindu miriku se ko karopanit lo toron i yiŋa taliŋ.

³ Ko nan diŋa ki nagon do a gwe na, a meddi yaŋa se ko kaser logon do aje tikin kase i piritön kulo, a nan yeyeji adi,

⁴ Nyo do yeyeju ŋuto? Lepeŋ a nyo? Nyo do rurugga ŋuto kana ’bura? ’Bulit na lepeŋ a nyo?

⁵ Kogwon do a to ’diddya lepeŋ madaŋ a na ’dit lwölwöŋ Ŋun, a sukindye loguya logon a minyo-tat ko a bulet kanyit i kwe.

⁶ Do a tindu lepeŋ i tumatyan ko ŋo liŋ nagon do a gwe ko könisi kulök kine; a do iŋge tin lepeŋ i ryokakindya na ŋo liŋ kak,

⁷ kweja adi, yidin ko dwönin liŋ, ko kijakwa ti mu ’diŋ,

⁸ ko kwen ti ki se ko somot ti kare, ko ŋo liŋ lo wörö i tör na ’balaŋ.

⁹ Pon MATAT, do a MATAT likaŋ, karin kunök lwölwöŋgu parik i na kak liŋ!