Saumajin 57 - Bibilia Buk na Ŋun nagon koti luŋu a

Ŋuto gwi paraki

¹ Wone konyen ko nan ŋon Ŋun, won konyen ko nan; kogwon nan a wökun konut i ’dana; nan de ’dana konut i köpukön lukata tojo ko karan duma a ’bakaara.

² Nan gwien ko Ŋun logon a Katoŋanit lo ki liŋ; iŋkoi, nan gwien ko Ŋun logon konakindya nan ŋo liŋ nagon nye a yiyikin i kulya kwe kune.

³ Nye mo sunyukindyö nan lwökit ki yu i lwöggu na nan, kogwon ŋutu logon ’dek wi ’yö nan kulo ’dö ’döju; Ŋun mo sonyoddu nyaŋu nanyit nagon ti ’duddyö na ko to ’diri nanyit.

⁴ Nan a piriki i kiden na komiruöt logon wi ’yo ŋutu adi mot; kala kase a goro ko a loya, ŋedep a kase a bandujin lori.

⁵ Pon Ŋun, kweji mugun ki yu totoŋun ’dikolo; ti minyo ilot pararaji i kak ’bukuluŋ!

⁶ Merok kwe a lokakindya widi nase anyen morga Tio kosi kwe; nan a rupakindya kak. Se a ’bogga meyi i gwoke lo wöröri nan; a se wuddyö lo ’do ’done kata.

⁷ Töili lio gwo ’dan go ŋon Ŋun, töili lio gwo ’dan go; nan mo yoyolo, iye, nan mo yulukindyö do kölisi pupuresi!

⁸ A nan kulyani ko mugun adi, Purwene purwe; rababa se kotom, purwene ta purwe; nan mo topurundyö baŋun na kak ko puresi!

⁹ Pon MATAT, nan mo tindu do lyöŋesi i kiden na gweyajin ti ŋutu, nan mo yulukindyö do puresi i kiden na kötumitön!

¹⁰ Kogwon nyaŋu inot nagon ti ’duddyö na a duma teŋ ko ki, kulya kunök na yiyiniki a dumalak teŋ ko ’dikolo.

¹¹ Pon Ŋun, kweji mugun ki yu totoŋun ’dikolo; ti minyo ilot pararaji i kak ’bukuluŋ!