Saumajin 54 - Bibilia Buk na Ŋun nagon koti luŋu a

Ŋuto mo ’yu Ŋun i tiju na lepeŋ i merok kanyit

¹ Pon Ŋun, lwöggi nan kogwon karin kunök, lilije kulya kwe i riŋit inot adi nan ’bak kulya!

² Pon Ŋun, yiŋge momolesi kwe, tindi swo kulök i yiŋga na jamesi kwe!

³ Kogwon ŋutu kaŋajin a ŋikin ki i mörö ko nan, ŋutu katukarak ga ’yu ru nio; se a ko tindu Ŋun kase i yeyeesi.

⁴ Meddi, Ŋun gwon a kaparanit lio; MATAT a katökönit lo ru nio.

⁵ Nye mo ropakindya merok kwe ko ŋonyesi kase; tukaŋi lepeŋat kogwon do a lo to ’diri.

⁶ Nan mo tindu do rubaŋga lo tuŋalikan na töili; nan mo ŋuŋuŋa do ’dindya karin kunök ŋon MATAT, kogwon do a lo ’but.

⁷ Kogwon do a lwökundyö nan kaŋo i yöyöŋesi liŋ, a nan iŋge lyöŋön i meddya na tela na merok kwe.