Saumajin 53 - Bibilia Buk na Ŋun nagon koti luŋu a

Toron na ŋutu

¹ Ŋutu lu ’böŋ jambu kase i töilyet adi, Ŋun gwe ’bayin. Se gwon gwoso ŋo na ’buron, se aje kokondya toronjin nagoŋ; lele ’bayin logon kondya ’bura.

² Ŋun a metundya kak ki yu i ŋutu i meddya ko lele kata logon kukurundyö kulya; logon gaga ’yu Ŋun.

³ Ŋutu liŋ a kukut bot; se liŋ aje köŋu a gwe ’bak ’bulit; lele ’bayin lo kondya ’bura ma ’di geleŋ to.

⁴ Ŋun lo ŋija adi, Kilo kakonak ti lyaŋesi ’bak denesi? Se nyesu ŋutu kwe gwoso na nyesi se kinyo na, a tine kwakwaddu nan.

⁵ Se gwon i kujonö duma nyu, ma ’di nene tokujönöet ’bayin; kogwon Ŋun aje toreaddu kuyu ti kulu ŋutu logon a tetendya mera nase kogwon ta; se a tela kogwon Ŋun aje renya lepeŋat.

⁶ A, ko ködyö kalwökönit lo Yisaraele a pukun kaŋo Siona yu! Nyena a nyakwariat ti Yakobo de lyöŋi lyöŋon, iŋkoi, ŋutu ti Yisaraele de kwekweni i diŋit nagon Ŋun a löŋukundyö kulya ti ŋutu kanyit i gwon ’bura.