Saumajin 52 - Bibilia Buk na Ŋun nagon koti luŋu a

Ŋun a ka ’duŋönit lo ŋutet ko wowon konyen ko ŋutu

¹ Do ŋuto wa, ko nyo do bu ’ya mugun i ŋo nagon do ’dek mwön? Nyaŋu na Ŋun yeyeŋon ŋupi.

² Do yeyeju mwön ko kulye ŋutu; ŋedeŋ ilot gwon gwoso leleŋet lori. Do a kamumulukanit.

³ Do nyanyar toron lwölwöŋ ŋo na ’but; do nyanyar jambu kulya ’burönö lwölwöŋ kulya ti to ’diri.

⁴ Do ŋuto logon ŋedeŋ a kamumulukanit, do nyanyar kulyaesi tukaresi liŋ!

⁵ Nyenagon a Ŋun köti mo duŋge do kak asut; a nye mo ’dumundye do a ŋonyoddi do kaŋo konut i kemia, nye mo gwunyundyö do kaŋo i jur lo ŋutu lo gwon jörun kulo.

⁶ A ŋutu lo rigwo mo meddi med-dya, a mo kujönöni kujönö, a se mo kweni ’e kweni ’e do adi,

⁷ Meddi lu ŋuto logon a ko tindu Ŋun a ŋirit ’danaet nanyit nago, ama a nye yinikindye mugun i tukwörien nanyit duma, a nye togo ’yi mugun i kulya kanyit nakwölöŋök!

⁸ A nan kölumbe gwoso ködini lo jeitun lorem i ’baŋ na Ŋun. Nan yinikindyö nyaŋu na ŋun ŋupi ŋupi.

⁹ Nan de tindu do lyöŋesi ŋupi ŋupi, kogwon do aje kondya kine kulya. A nan mo tokuöddi karin kunök kaŋo i komor na ŋutu kulök katwöyök, adi do a lo ’but.