Saumajin 5 - Bibilia Buk na Ŋun nagon koti luŋu a

Ŋun mo ’yu Ŋun i tiju na lepeŋ

¹ Pon MATAT, tindi swo kulok i yiŋga na kulya na jam nan kune; yeyeji ’du ’duesi kwe.

² Pon mor lio, Ŋun lio, yiŋge gwien nio boŋo, nan mo ’yu do i ŋarakindya na nan.

³ Pon MATAT, do yiyiŋ gworo lio i ko ’bure; nan tetenakindya do rubaŋga i ko ’bure kobubut a nan tiji do.

⁴ Kogwon do ti gwon a Ŋun logon lyolyoŋon i kulya nakwolorok; ŋonyan ti bulo gwon ko do i ŋirit na geleŋ.

⁵ Ŋutu kabulak ti kusik ti bulö gwo ’dan konut i komor; do maman ŋutu liŋ lo kondya arabat.

⁶ Do MATAT tutukaŋu ŋutu logon a kajamak ti ’burönö; do maman ŋutu katowijok ti rima ko a kamu mulu kak köti.

⁷ Ama ko gwe gwoso nan, nan luluŋö konut i ’baŋ kogwon nyaŋu inot nagon ti ’duddyö kwöŋ, a nan dulakine kak komorga kadi inot nake i twöju na do.

⁸ Pon MATAT, nyömöddi nan i kulya kunök na rigwo kogwon merok kwe; tetenaki nan kiko ilot rigwo köyö i komor.

⁹ Kogwon kulya ’diri ’bayin ko merok kwe i kutusen; pelela kase a narwök, gworolo kase gwon gwoso dili nuket nagon a koyiko, a se jambi kulya ’bu ’busesi ko ŋedep a kase.

¹⁰ Pon Ŋun, ’duŋoki kulya kase adi se a lorok; ti ŋo mwonyit na yeye se na moke se; gubara se kano kogwon se a torondya parik a iŋge renya do.

¹¹ Ama ti se liŋ logon wokon konut yu i ’dana kulo ti se lyoŋi lyoŋon, ti se yoloni ko nyola, kogwon do gagaju se; ti se köti logon nyanyar karin kunök kilo pupurje do ko lyöŋön.

¹² Kogwon do MATAT ’bo ’boroja ŋuto lo rigwo; a do gombi lepeŋ ko ’busan inot gwoso ’buku gayet.