Saumajin 41 - Bibilia Buk na Ŋun nagon koti luŋu a

Kwaset lo ŋuto lo gilö

¹ Ŋuto logon yeyeju ŋutu lomu-nyak kilo a kalyöpönit; MATAT mo lwölwökun nye kaŋo i lor delyaet.

² Do MATAT mo gaju lepeŋ ko mo tindu lepeŋ i gwon jörun; nyenagon a nye mo ’boriani ’boria i na kak; a do mo tine pakindya lepeŋ ko merok i könisi anyen konakindya lepeŋ gwoso nagon se ’de ’dekan na.

³ Do MATAT mo rurugga lepeŋ kanyit i dotoet na goŋgi nye ko gilö nu; a do tobia ’yi tömiesi kanyit liŋ.

⁴ Ko gwe gwoso nan, nan a kulya adi, Pon MATAT, ti töili ilot gwe a lo ’but ko nan; toke ’yi nan kogwon nan a torondya do.

⁵ Merok kwe a jambu kulya kwe arabat adi, Nye mo ko twan nanu? Karin kanyit mo ko likin nanu?

⁶ A ko lele lose a ŋo i ’yö ’yu na nan, a nye jambi kulya wuya, nyena a töili lonyit ’du ’dumundye kulya körisi; ko nye a luŋö kaŋo, a nye tuköddi kine kulya.

⁷ Ŋutu liŋ logon maman nan kilo jambu kulya kwe i ŋirit na geleŋ adi koyok koyok; a se yeyeji adi nan a kondya arabat.

⁸ A se kulyani adi, Leŋeŋ a moka ko twanti loron; nye a piriki kak a nye mo tine ŋien ki köti kwöŋ.

⁹ Ma ’di ju lio logon yi totoden logon nan a yinikin lepeŋ, logon a nyesu kinyo lio lo a ’bi ’yu moköt ki a gwoji nan.

¹⁰ Ama do ŋon MATAT, gwe ko toili lo ’but ko nan, toŋiji nan ki anyen nan ropakindya se.

¹¹ Nan mo deden adi do lyölyöŋön ko nan, kogwon merok kwe mo ti te ’ya nan.

¹² Do tötök nan kogwon nan ’bak kulya, a do tindi nan ŋupi i gwo ’dan konut i komor.

¹³ Ti MATAT ŋun lo Yisaraele ŋurani ŋura, suluja ’beron ’beron tojo ko ŋupi ŋupi. Amin! Amin!