Saumajin 4 - Bibilia Buk na Ŋun nagon koti luŋu a

Kwaset lo tokotyaŋ luŋit lo ŋariet

¹ Pon Ŋun logon jundyö nan rigwo, ruŋge nan i diŋit nagon nan luluŋgu do! Do a toyugga nan na gwondi nan i nagusu nu. Ti konyen kulok won nan, ko yiŋge momolesi kwe!

² Ta ŋutu logon a liŋo, diŋit ŋoman nagon ta lalaun bu ’ya nan? Diŋit ŋoman nagon ta nyanyar kulya kana, a ta ga ’yi kulya ’burönö?

³ Ama dendi ta kune adi MATAT aje galakin mugun ŋuto katwoyo-nit; MATAT yiyiŋ nan i diŋit nagon nan a luŋgu lepeŋ.

⁴ Ma ’di ködyö ko ta a woran, ama ko kondya ta arabat; titimbe ta kasu i dotoesi loki, ko gwe ta taliŋ.

⁵ Wukindye ta MATAT rubaŋgajin ti kulya na rigwo, ko yinikindye ta ’borik ko lepeŋ.

⁶ Ŋutu jore a ŋija adi, Ŋa lo tindu yi i meddya na kulya na ’but? Pon MATAT, kweki yi komor inot nagon a parara!

⁷ Do a tindu lyoŋon koyo i toili, Iwolwoŋ lyoŋon na ŋutu i diŋit nagon se gwon ko ’bolot jore ko binyo jore.

⁸ Nan piriki kak ko taliŋ a nan dotoni doto; kogwon do geleŋ ŋon MATAT lo tindu nan gwon ’bak kujono.