Saumajin 2 - Bibilia Buk na Ŋun nagon koti luŋu a

Ŋuto logon Ŋun a welakin a mor

¹ Nyo juron woworan? Nyogweyajin ti ŋutu yeyejumwon ko kana?

² Moran ti kak liŋ a ’dakakin i moro, a kasarak tetendi kulya i ŋirit na geleŋ i moro ko MATAT se ko ŋuto lonyit logon nye a welakin a mor lo, adi,

³ Ti yi gigindye rerekesi kase asut, tiyi gubaddi nekenejin kase kano kayaŋ

⁴ MATAT ki yu kwekweni a ŋoki i ’do ’doju na se.

⁵ Nyena a nye jambi ko se i woran nanyit, a yöyöŋgi se i ŋoma nanyit na pape, adi,

⁶ Nan aje tosi ’dakindya ŋuto lio logon nan aje welakin a mor lo, i mere lio loke logon a Siona.

⁷ Nan de tokujo saret lo MATAT. Lepeŋ a kulya ko nan adi, Do a ŋuro lio; i lo lor nan aje yupundyo do.

⁸ Pije nan, a nan de tindi do juron a kulok, iŋkoi, nan titin do kak liŋ tojo ko ’dutet nanyit a lomore inot.

⁹ Do de ’beleŋgu se ko ture logon a witi; do de gwagwalaggu se adi gwok gwoso sape logon a liŋo.

¹⁰ Nyenagon ta moran, gwe ta a lokoŋ, ta kasarak ti kak, dinikine ta kine kulya!

¹¹ Kitakindye ta MATAT ko kujono, bobondi ta bobondu,

¹² dulakine ta kak kanyit i komor an nye ko woran, a ta ’bunyokine ko twan; kogwon woran nanyit tutulundyo kaŋo ’de ’de. ŋutu liŋ logon wokon ko lepeŋ yu i ’dana kulo a kalyoŋok!