Saumajin 146 - Bibilia Buk na Ŋun nagon koti luŋu a

Köti lo ŋuŋurarikin Ŋun kalwökönit

¹ Pupurje ta MATAT! Do töili lio, pupurje MATAT!

² Ko nan nyuŋ gwon jörun nan pupurja MATAT; a nan yulukindye Ŋun lio pupurje temba i diŋit nagon nan nyuŋ gwon kata na.

³ Ko yinikindyö ta ’börik i kimak, kode i ŋutu logon ’bak riŋit lwökit kulo.

⁴ Ko lepeŋat a duwundya, a se yitöni i liŋo; i ŋilu lor gwak a ŋo na yeye se kune ’bakani ’baka.

⁵ Ŋuto a kalyöpönit logon Ŋun lo Yakobo a kaparanit lonyit, nye a kalyöpönit logon yinikindyö mugun ko MATAT Ŋun lonyit,

⁶ logon a gweja ko ki ko kak, ko törön ti ’balaŋ se ko ŋo liŋ na gwon lukata kune; logon a lo to ’diri ŋupi ŋupi lo;

⁷ nye ’du ’duŋgö putesi ti ŋutu logon a ruda kulo rigwo; a nye tindi kinyo i ŋutu lo mama-gora. MATAT lalakundya ŋutu lo rereka.

⁸ MATAT ŋaŋaju konyen ti mo ’dokeno. MATAT ’bi ’bilikin ki ŋutu logon a ruŋaki kak kilo; MATAT nyanyar ŋutu lo rigwo.

⁹ MATAT gagaju ŋutu logon si ’da a lepelok, nye tötöggu kikijikö ko karu ’bejin; ama a nye togiŋe kiko lo ŋutu lorok.

¹⁰ MATAT mo tutumatyan ŋupi ŋupi! Do köji na Siona, Ŋun ilot mo tutumatyan tojo i nyakwariat liŋ! Pupurje ta MATAT!