Saumajin 144 - Bibilia Buk na Ŋun nagon koti luŋu a

Mor a tindu Ŋun tinate kogwon Ŋun a tindu lepeŋ i te ’ya

¹ Ti MATAT lurutat lio ŋurani ŋura! Nye a tojumukindya könisi kwe i gor, ko morin kwe i mörö.

² Nye a lurutat lio, ko a mariŋ nio nago, nye a ŋirit nio nago ko a kalwökönit lio; nye a ’buku gayet nio, a nan ’danani kanyit. Nye a tindu nan i te ’ya na jurön.

³ Pon MATAT, nyo do yeyeju ŋuto? Lepeŋ a nyo? Nyo do yeyeju ŋuto kana? ’Bulit na lepeŋ a nyo?

⁴ Ŋuto gwon gwoso köbuŋöt kana, perok kanyit gwon gwoso tölimöt nagon jejenyara.

⁵ Pon MATAT, du ’ye ’dikolo kunök, ko ŋondi kak; tatandi merya, a se mo ŋuriörö a kimaŋ!

⁶ Topuköddi meme ’dekta i torekindya na merok; ŋoroddi loya kulök i riköddu na merok.

⁷ Riundye könin ilot ki yu, lwöggi nan ko laruundye nan kaŋo i kiden na pioŋ jore, iŋkoi, lwöggi nan i könisi ti Lwaka,

⁸ logon kutusen kase jambu kulya mumulukesi kana, a se ’doggi könisi kase lutatenyan ki ko ’burönö.

⁹ Nan mo yulukindyö do köli ludukötyo ŋon Ŋun; nan mo julökindyö do rababa na gwon ko ŋutu si ŋuök.

¹⁰ Do Ŋun titindu moran i te ’ya, do a lwöggu Dawidi köliŋönit ilot. Lwöggi nan i bandu logon a kaŋa;

¹¹ lwökundye nan kaŋo i könisi ti Lwaka, logon kutusen kase jambu kulya mumulukesi kana, a se ’doggi könisi kase lutatenyan ki ko ’burönö.

¹² Ti ŋwajik kaŋ lyan i toteton nase gwe gwoso kaden logon a ’duröddu ki ’bura, ko ti ŋwajik kaŋ wate gwe gwoso ŋuruŋö lo gigiru logon gwo ’dan i goŋesi ti kadi na mor a tokwelenyesi.

¹³ Ti gugwö kaŋ jorone parik ko kinyojin liŋ ka ’de ka ’de, ko ti köbilu kaŋ yuŋweni aliŋan ko aliŋan ŋuök i piritön yukisi.

¹⁴ Ti kisuk kaŋ gwotoni gwoto parik, ti se gwe ti yoŋ i yupundyö. Ti ŋutu gwe ti lulujö ko delya kayaŋ i kikolin!

¹⁵ Ŋutu logon kulya kase gwon sona kulo a kalyöŋök; iŋkoi, ŋutu logon Ŋun lose gwon a MATAT kulo ’diri a kalyöŋök!