Saumajin 141 - Bibilia Buk na Ŋun nagon koti luŋu a

Kwaset lo tokotyaŋ

¹ Pon MATAT, nan luŋgu do; rumu ’de ’de köyö ni! Tindi swö kulök i yiŋga na nan ko nan luŋgu do!

² Ti momolesi kwe gwe gwoso bökur lo ’yura konut i komor, ti mamanyaddu nio ko könisi gwe gwoso rubaŋga lo kona i koriri i ’doro na kolor!

³ Pon MATAT, tindi katiyunit i tiju na kutuk nio, tiji kötumit nagon a kutuk nio.

⁴ Ko kölökin töili lio i yeyeju na ŋo naron, kode i kondya na konesi narok ko ŋutu kakonak ti lyaŋesi i ŋirit na geleŋ; ko ti nan gwe ti nyesu kinyojin kase lo paleleŋ!

⁵ Kulya ’bayin ko ŋuto lo ’but a gwuddyö nan, kode a riŋga nan ko töili lo ’but; ama nan ti ’bön ŋuto loron i we ’ya na kwe nio ko welet, kogwon nan ŋupi momo ’yu Ŋun an konesi kanyit narok puputuru ŋerot.

⁶ I diŋit nagon ŋutet lo ŋutu lorok a ’duŋöki se, a se mu dendi adi kulyaesi ti MATAT a ti to ’diri.

⁷ Kuyu kase totoreki i kutuk na gulöm, gwoso nagon ŋuto kikilija kaden a kunie gwaddi mu ’diŋ na.

⁸ Ama konyen kwe diŋa do ŋon MATAT Ŋun; nan ’dana konut; an do ko kölökin nan ’bak ŋuto lo gaju nan!

⁹ Gaji nan i widi nagon se a logga anyen morga nan na, gaji nan i lokesi ti kakonak ti lyaŋesi!

¹⁰ Ko ti ŋutu lorok ’do ’done i boyat kase a nan leru rwörwöddu.