Saumajin 130 - Bibilia Buk na Ŋun nagon koti luŋu a

Ŋuto gwi paraki

¹ Pon MATAT, nan a gwien kaŋo i ŋirit nagulu konut ni.

² MATAT, yiŋge gworo lio! Ti swö kulök yiŋge momolesi kwe!

³ Ko do ŋon MATAT a kakenanit lo toronjin, a ŋuto gwe a ŋa ŋon MATAT, logon bubulö gwon a luitöt?

⁴ Ama do a kapitönit, anyen ŋutu böŋö kukuk do.

⁵ Nan mömöndu MATAT ko pusök, a nan yendi kulya na jam nye kune.

⁶ Nan mömöndu MATAT totoŋun katiyuk logon mömöndu baŋun na kak. iŋkoi, nan mömöndu MATAT totoŋun katiyuk logon mömöndu baŋun na kak.

⁷ Ta ŋutu ti Yisaraele, yendi ta MATAT! Kogwon lepeŋ nyaŋu ŋutu ’bak ’dutet, lepeŋ gwon ko riŋit a duma i lwöggu na ŋutu.

⁸ A nye mo lwökundye ŋutu ti Yisaraele kaŋo i toronjin kase liŋ.