Saumajin 12 - Bibilia Buk na Ŋun nagon koti luŋu a

Ŋuto gwi paraki

¹ MATAT, parakindye yi! Soŋinana ŋutu katwöyök ti Ŋun a ’baka; ŋutu lo yiyiniki gwe ’bayin i kiden na ŋutu.

² Ŋutu liŋ geleŋ geleŋ jambu kulya ’burönö ko maratejin kase; se jajambu ko ŋedep a ’bu ’busesi ko töilyet murek murek.

³ Ti MATAT ’duŋörö kaŋo kutusen ’bu ’busesi, ko ŋedep a logon jambu tuwalan,

⁴ se kilo logon jajambu adi, Yi tete ’ya ko ŋedep a kaŋ, kutusen kaŋ gwon a kaŋ; ŋuto a ŋa logon a matat likaŋ?

⁵ MATAT lo kulya adi, Soŋinana nan de ŋiŋien kogwon lomerika ryaryakatu, kogwon ŋutu lo yöŋö ŋo a yukuta ko gwiesi kase; nan de tindu lepeŋat i ŋirit lwökit nagon se yöyöpöri na.

⁶ Kulyaesi ti MATAT a kulyaesi logon a loke, gwoso podo nagon a nama i tuka, a lut iŋge namaji kaŋo daŋin buryo.

⁷ Pon MATAT, tiji yi, gaji yi ŋupi i ŋutu ti na toberon.

⁸ Ŋutu lorok wöwörö i swötön liŋ, ŋutu liŋ ŋuŋuŋa kulya nagon a nagoŋ.