Saumajin 110 - Bibilia Buk na Ŋun nagon koti luŋu a

MATAT se ko mor logon nye a wulun lo

¹ MATAT lo kulya ko matat lio Si ’dakine köyö i könin lutaten, tojo ko nan a tin do merok kulök a tökit na mokosi.

² MATAT Siona yu tindu do ture ilot lo tumatyan, kulya adi, Tumatyane ko merok kulök!

³ ŋutu kulök a wukindya ’börik i lor lo luŋgi do kamörök lu i merya loke loki. Teton kulök ŋoŋo konut gwoso ŋuŋutut lo waran na kak.

⁴ MATAT a milyeju, nye mo ti löpuggö i yeyeet nanyit, kulya adi, Do a koane lo yeŋ nyin logon tokoaŋan inot gwon jojo ko na Melekisedek.

⁵ MATAT gwon i könin ilot lo lutaten; nye mu ’be ’beleŋgu moran i lor lo woran nanyit.

⁶ Nye mo ’du ’duŋgö ŋutet i kiden najurön, nye mo tindu piritön kase i jore ko öŋuö ti ŋutu; nye mo gwuddyö kasarak i kak nagalaŋ.

⁷ Mor mo möju pioŋ ti loro lo gwon nyona ko kiko; nyenagon a nye mo ’bi ’ye kwe nanyit ki ko lyöŋön.