Saumajin 1 - Bibilia Buk na Ŋun nagon koti luŋu a

BUK TOGELEŊ Lon ŋuto lo ryeju lyoŋon?

¹ Lo ŋuto a kalyoŋonit logon ti woro i jujuwesi ti ŋutu lorok, logon ti gwo ’dan i kiko lo katoro-nyak, logon ti si ’da i si ’daesi ti kalaak,

² ama lepeŋ lyolyoŋon ko saret lo MATAT; a nye yeyeji saret lonyit kanyit i toili ko tuparan ko tukwaje.

³ A nye gwe gwoso ködini lo ’yutuki i kijit na kare; logon raradan ludweki kanyit i diŋitan kanyit, logon koroŋo kanyit ti teteyon kwoŋ; a ŋo liŋ nagon nye kökon kune iti ’bura.

⁴ Ama ŋutu lorok ti gwon sona; se gwon gwoso pudi nagon kobuŋot wukoro kaŋo.

⁵ Nyenagon se logon a lorok kulo ti bulo gwo ’dan i diŋit ’duŋet, iŋkoi, katoronyak ti bulo gwo ’dan i momoret na ŋutu lo rigwo.

⁶ Kogwon MATAT deden kiko lo ŋuto lo rigwo, ama kiko lo ŋuto loron joŋga nye i twan.