Nyökit 21 - Bibilia Buk na Ŋun nagon koti luŋu a

Tetena na kulya ti ŋuto logon a ko dena ko ŋa lo tatuja lepeŋ

¹ Ko lele ŋuto a rye a tatua i lu jur logon MATAT Ŋun losu a tin ta i morga lu, logon a ’doro mu ’dio kata, a gwe a ko dena ko ŋa lo tatuja lepeŋ,

² nyena ti temejik kasu ko ka ’du-ŋök kasu ti poni kaŋo, ko ti lepeŋat temaddi tojo i köjinö na gömbu nye lo tatua lu;

³ a ti temejik ti nu köji nagoŋ gwon nyona ko ŋuto lo tatua lu, ’dumuŋdye tagwok nanakwan nagoŋ a ko kitarikin, ko nagoŋ a ko nyuŋ jiggö gwuluŋi kurit.

⁴ A ti kulu temejik ti nu köji joŋgi tagwok i loro lo ’dokon parik, logon a ko kuru ko a ko weya, ko ti se ’beleŋgi murut na tagwok i loro.

⁵ A koanejin logon a kötumit na Lewi kulo ködyö miju nyona, kogwon MATAT Ŋun losu aje wuluŋdyö lepeŋat i kitakiŋdya na nye, ko i ’boroja na ŋutu ’diŋdya karin ti MATAT, a rerenyesi liŋ ko gwutesi liŋ ködyö gwe gwoso na liŋ se na.

⁶ A kirut ti temejik ti nu köji liŋ nagoŋ nyona ko ŋuto lo tatua lu, lalaji könisi ko nu tagwok loki nagoŋ murut nanyit a ’beleŋo i loro nu;

⁷ a se ködyö kulyani adi, Könisi kaŋ a ko ’bukuŋdyö kine rima, köti konyen kaŋ a ko met.

⁸ Pon MATAT, pitökiŋdye ŋutu kulök Yisaraele logon do aje dakun kulo, an do ko tiŋdu toron na rima na mamaŋa i kiden na ŋutu kulök Yisaraele, ama ti se pitökine i kine rima.

⁹ Nyena na koŋdi ta torigwo ko MATAT i komor sona nu, a ta lala-addi toron na rima na mamaŋa kaŋo kasu kiden.

Ŋuto nagoŋ a momokwe i möro ködyö konaki ada

¹⁰ Ko do a tu kaŋo i mörö ko merok kulök, a MATAT Ŋun ilot pakiŋdye se konut i könisi, a do joŋgi se a lo momoka,

¹¹ a do meddi nene ŋuto nakwekwe-len i kiden na kilo ŋutu lo momoka kulo, a do yöŋöni lepeŋ, a do ’deke joŋga lepeŋ a nakwan iŋot,

¹² a do ködyö joŋgi lepeŋ i ’baŋ konut kadi, a nye ködyö ’bariŋdi kwe nanyit a ’duŋge mijin kanyit.

¹³ A nye ködyö rosoro boŋgwat na mokweni nye kune kaŋo, a si ’dani konut kadi a delyani ko monye ko ŋote yapa ’bukuluŋ; a i mukök na ŋina a do momori ko lepeŋ, a ta gwe a ko lalet ko nakwan.

¹⁴ A ko lepeŋ ti tulyöŋgu do, a do ködyö kölöddi lepeŋ i tu gwoso na ’deggi nye na; nyena a do ködyö tine tugwöŋu lepeŋ ko gurut, do ti koŋdya lepeŋ a ’dupiet, kogwon do aje to ’diddya lepeŋ.

Saret i kulya ti kayujin

¹⁵ A ko ŋuto gwon ko wate murek, nene na nyanyara ko nene na mamana, a ko se liŋ nagoŋ nyanyara ko nagoŋ mamana na a yuŋwekiŋdyö lepeŋ ŋwajik, a ko ŋuro kayu a lo nakwan na mamana,

¹⁶ nyena i lor logon lu ŋuto korakiŋdye ŋo kanyit anyen ŋwajik kanyit rurut a nye ködyö tine koŋdya ŋuro lo nakwan na nyanyara lo gwoso kayu i ŋerot na ŋuro lo nakwan na mamana logon a kayu lo.

¹⁷ Ama a nye ködyö deŋdi ŋuro kayu logon a ŋuro lo nakwan na mamana lu, i tiŋdu na lepeŋ daŋin murek ti ŋo kanyit liŋ, kogwon nye lo gwon a rima kanyit ti kokwe; a ŋo nagoŋ ŋuro kayu ködyö lo ruddya kune gwe a kanyit.

ŋuro logon ti ’bön sara

¹⁸ Nyena ko ŋuto gwon ko ŋuro logon a miŋe ko ti ’bön sara, logon ti yiŋga gworo lo monye kode lo ŋote, ma ’di nagoŋ ködyö se a tojumukiŋdya lepeŋ ada, a nye tine yiŋga se,

¹⁹ nyena ti monye lonyit se ko ŋote nanyit morgi lepeŋ a joŋgi lepeŋ kaŋo ko temejik kase i komor i kötumit na köji na si ’dari se nu,

²⁰ a ti se kulyani ko temejik ti köji nase kulo adi, Lo ŋuro likaŋ a miŋe ko ti ’bön sara, nye kwöŋ ti yiŋ gworo likaŋ; nye a kakörönit lo toro ’bo ko a kamere.

²¹ Nyena a ŋutu ti nu köji luŋ a liŋ ködyö gugubuje lepeŋ ko ŋurupö teŋ ko nye a twan; a ta ködyö lalaaddi ŋo narok kaŋo kasu kiden; a ŋutu ti Yisaraele liŋ mo yiŋge yiŋga, a kujönöni kujönö.

Saresi ka ’de ka ’de

²² A ko ŋuto a koŋdya toron nagoŋ jujukin tatuarikin, a nye tatuani tatua, a ta lilikiŋdye lepeŋ i ködini ki;

²³ a mugun nanyit ködyö tine möŋdu i ködini ki lu tukwaje liŋ, ama a ta ködyö nuke nuk lepeŋ i lor lo geleŋ lu, kogwon ŋuto lo leleyo lo a lömö ko Ŋun; anyen ta gwon ti toluddya jur logon MATAT Ŋun losu aje tin ta a lomore lu.