Matayo 25 - Bibilia Buk na Ŋun nagon koti luŋu a

Lilim lo kö ’disi puök

¹ I ŋinu diŋit Tumatyan na Kimo gwon gwoso kö ’disi puök nagon a ’dumuŋdya lombojin kase a iti i dodogga na kayemanit.

² A mukanat kase gwe a na ’böŋ, a mukanat gwe a nakoŋ.

³ a na ’dumuŋdye kö ’disi na ’böŋ kune lombojin kase nu, a segwe a ko baraddu welet;

⁴ ama a nakoŋ kune baraddi welet i lulurön ko lombojin kase kune i pirit na geleŋ.

⁵ A na karakiŋdye kayemanit diŋit a najo nu, a se liŋ lure lur a dotoni doto.

⁶ Ama i tukwaje kiden, a woŋon gwe kata adi, Kayemanit malu! Iti ta i dodogga ria lepeŋ.

⁷ Nyena a kö ’disi kune liŋ ŋine ki, a teteŋdi lombojin kase kune.

⁸ a kirut kö ’disi na ’böŋ kune kwaddi kö ’disi nakoŋ kune adi, Tiŋdi ta yi nene welet nasu, kogwon lombojin kaŋ kune twatwaara.

⁹ Ama a nakoŋ kune renyani adi, ’Bayin, kode welet ti jukin yi ko ta. Kölumbö iti ta i dukan, ko gwörökiŋdye ta ’börik nene welet.

¹⁰ A na tiri se i gwörö nu, a kayemanit lo lo ’dure, a se na gwon ajo kune lupöni lukata ko lepeŋ i pirit na geleŋ i budu yemet, a kötumit kinuni kinu.

¹¹ A i mukok, a kunie kö ’disi kune na ’dure, a luŋgi adi, Lutu likaŋ, lutu likaŋ, ŋaki yi kötumit.

¹² Ama a nye waddi adi, ’Diri nan takiŋdya ta adi, nan a ko den ta.

¹³ Nyena ti konyen kasu gwe ŋa, kogwon ta ti den ŋilu lor kode ŋinu diŋit.

Lilim lo gurut nagon temuŋdya a talentajin

¹⁴ Köti Tumatyan na Ki mo gwon gwoso nagon lele ŋuto ’dek tu i lele jur, a nye luŋgi köliŋönök kanyit a sarakiŋdye se i meddya na tito kanyit.

¹⁵ A nye tiŋdi lele jurakan mukanat ti gurut, lele ko jurakan murek, lele ko jurak geleŋ, ŋutu liŋ wuju gwoso na bulöri se na. A kirut ŋilo ŋuto jölöni jölö.

¹⁶ A nye lo wuju jurakan mukanat ti gurut lo rumara rumara a tujaŋi ko se, a iŋge ryeŋdu kulye jurakan mukanat ti gurut.

¹⁷ Nyena köti a nye lo wuju jurakan murek ti gurut lo iŋge tujarundya kulye jurakan murek.

¹⁸ Ama a nye lo wuju jurak geleŋ lo gurut lo iti tu a ’boggi dili, a yikökiŋdye gurut ti duma lonyit kak.

¹⁹ Nyena i mukök na diŋit a najo, a duma lo köliŋönök lo yitwene yitwe a keŋdi gurut ko se i pirit na geleŋ.

²⁰ a köliŋönit lo wuju jurakan mukanat ti gurut lo poŋdi po, joŋdya kulye jurakan mukanat, a kulyani adi, Duma liŋ, do köju a sarakiŋdya nan jurakan mukanat ti gurut. Mete, nan aje tujaruŋdya kulye jurakan mukanat.

²¹ a duma lonyit kulyani ko lepeŋ adi, A na ’but parik, köliŋönit lo ’but lo yiyiniki! Do yiyiniki i ŋo ku ’dik; nan mo sarakiŋdya do i meddya na ŋo jore. Poŋdi, paruŋdye lyöŋön nio na duma ilot.

²² Köti a nye logon a tiki jurakan murek ti gurut lo poŋdi po, a kulyani adi, Duma liŋ, do köju a sarakiŋdya nan jurakan murek ti gurut. Mete, nan aje tujaruŋdya kulye jurakan murek.

²³ a duma lonyit kulyani ko lepeŋ adi, A na ’but, köliŋönit lo ’but lo yiyiniki! Do yiyiniki i ŋo ku ’dik, nan mo sarakiŋdya do i meddya na ŋo jore. Poŋdi, paruŋdye lyoŋön nio na duma ilot.

²⁴ Ama a nye lo wuju jurak geleŋ lo gurut lo köti poŋdi po, a kulyani adi, Duma liŋ, nan a den adi do a ŋuto kaŋa, do ŋeŋepa ŋo nagon do a ko weja, a do tutuŋdye i pirit na geleŋ ŋo nagon do a ko torekiŋdya kunu.

²⁵ Nyena a nan kujönöni kujönö a iti tu, a yikökiŋdye jurak ilot lo gurut kak. Maŋilo ŋo ilot.

²⁶ A duma lonyit pije lepeŋ adi, Do köliŋönit loron ko a yoke! Do ŋona a den adi nan ŋepa ŋo nagon nan a ko weja kune, a nan tutunuŋdye ŋo nagon nan a ko torekiŋdya kune?

²⁷ A do ködyö aje ’delakin gurut kwe i baŋki, a i yitwe nio a nan ködyö wuji ŋo kwe ko ’yalet.

²⁸ Nyena ’dumara ta jurak lo gurut kaŋo ko lepeŋ i könin, ko tiki ta köliŋönit logon ko jurakan puök ti gurut lo.

²⁹ Kogwon ŋutu liŋ geleŋ geleŋ logon ko ŋo kulo mo ’ya ’yalaki kunie, a se mo gwe ko ŋo jore, ama ŋuto logon ’bak nene ŋo lo, ma ’di ŋo na gwon ko lepeŋ na mo ’du ’dumaji kaŋo kanyit.

³⁰ Gubara ta köliŋönit logon ’bak ’bulit lo kaŋo i mudwe. A ŋutu mo gwine gwien a mo pije kala nyu.

Ŋulu liŋ ti jurön ’duŋoki putet

³¹ A na poŋdi nan Ŋuro lo ŋuto ko minyo liŋ se ko malaikajin liŋ i pirit na geleŋ ko nan nu, a nan mo si ’dakine köyö i si ’daet na minyo.

³² A ŋutu liŋ ti jurön mo momoreni köyö i komor, a nan mo ge ’yi lepeŋat liŋ geleŋ geleŋ, gwoso na ge ’yi kayukunit köbilu ko melon na.

³³ a nan mo tiŋdi köbilu köyö i swöt lutaten, a melon gwe köyö i swöt kadoŋe.

³⁴ a kirut nan Mor mo kulyani ko se lo gwon köyö i swöt lo lutaten kulo adi, Po ta, ta logon Baba aje ’boroja kilo, wuji ta kido anyen ta gwon a ŋutu ti Tumatyan nagon aje tetenaki ta köju ’beron suluja i gweya na kak;

³⁵ kogwon nan gwon ko magor, a ta tiŋdi nan kinyo; nan a moka kure, a ta tiŋdi nan i möju; nan a lwakatyo, a ta wuyuŋdye nan kasu i midijik;

³⁶ nan gwon a limu kana, a ta tojubbi nan; nan a gilö, a ta iŋge po i ’yö ’yu na nan. Nan gwon i kadi rereket, a ta ’yö ’yi nan.

³⁷ a ŋutu ti löti lo rigwo mo pije lepeŋ adi. MATAT, yi a met do nanu ko magor, a tunyeji do? kode ko kure, a tiŋdi do i möju?

³⁸ Yi a met do a lwakatyo nanu, a wuyuŋdye do kayaŋ i midijik? kode a limu kana, a tojubbi do?

³⁹ Yi a met do i gilö nanu, kode i kadi rereket, a ’yö ’yi do?

⁴⁰ A nan Mor mo waddi adi, ’Diri nan takiŋdya ta adi, gwoso nagon ta a konakiŋdye ma ’di lele geleŋ lo ’dit lo kilo luŋasirik kwe, kweja adi ta a konakiŋdya nan.

⁴¹ a kirut nan mo kulyani ko se lo gwon köyo i swöt lo kadoŋe kilo adi, Wuddye ta wuddya köyö i komor, ta ŋutu logon a senya. Iti ta i kimap na ti pepa, nagon aje tetenaki kapöönit se ko malaikajin kanyit nu;

⁴² kogwon nan gwon ko magor, ama a ta tine tiŋdu nan kinyo; nan gwon ko kure, ama a ta tine tiŋdu nan i möju;

⁴³ nan a lwakatyo, ama a ta tine wuyuddu nan kasu i midijik; nan a limu kana, ama a ta tine tojubbu nan; nan a gilö, a gwe i kadi rereket, ama a ta tine ’yö ’yu nan.

⁴⁴ Nyena a se köti mo pije adi, MATAT, yi a met do ko magor nanu, kode ko kure, kode a lwakatyo, kode a limu kana, kode a gilö, kode i kadi rereket, a yi gwe a ko parakiŋdya do?

⁴⁵ A nan mo waddi se adi, ’Diri nan takiŋdya ta adi, gwoso nagon ta a ko konakiŋdya ma ’di lele lo ’dit lo kilo ŋutu, kweja adi ta a ko konakiŋdya nan.

⁴⁶ Nyena a lepeŋat mo iti i ripet na ti ’duddyö, ama ŋutu ti löti lo rigwo mo tu i ru na yeŋ nyin.